ಆಮೀಷಕ್ಕೆ ಒಳಗಾಗದೆ ಮತ ಚಲಾಯಿಸಿ

ಕವಿತಾಳ : ಮತದಾನ ನಮ್ಮ ಹಕ್ಕು, ಅದನ್ನು ನಾವು ಚಲಾಯಿಸಬೇಕು, ಪ್ರತಿಯೊಬ್ಬ ಮತದಾರನು ಯಾವುದೇ ಆಮಿಷಕ್ಕೊಳಗಾಗದೆ ಮತ ಚಲಾಯಿಸಬೇಕೆಂದು ಪ.ಪಂ.ಮುಖ್ಯಾಧಿಕಾರಿ ಈರಣ್ಣ ಜಗ್ಲಿ ಹೇಳಿದರು.

ಅವರು ಪಟ್ಟಣದಲ್ಲಿ ತಾಲೂಕಾಡಳಿತ ಸಿರವಾರ, ನಾಡ ಕಾರ್ಯಾಲಯ ಕವಿತಾಳ, ಪ.ಪಂ, ಬಾಲಕರ ಮತ್ತು ಬಾಲಕಿಯರ ಸರಕಾರಿ ಪ್ರೌಢಶಾಲೆಯಿಂದ ಗುರುವಾರ ಹಮ್ಮಿಕೊಂಡಿದ್ದÜ ಮತದಾನ ಜಾಗೃತಿ ಜಾಥಾಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಈಗಾಗಲೇ ಪಟ್ಟಣದ ಜನತೆಗೆ ಮತದಾನ ದಿನದಂದು ಮತ ಚಲಾಯಿಸುವ ವಿವಿಪ್ಯಾಟ್‌ ಬಗ್ಗೆ ತಿಳಿಸಲಾಗಿದೆ. ಲೋಕಸಭೆ ಚುನಾವಣೆಯಲ್ಲಿ ಯಾವ ಮತದಾರನೂ ಮತ ಚಲಾಯಿಸುವುದರಿಂದ ದೂರ ಉಳಿಯಬಾರದೆಂದರು. ಮತದಾನದ ಮಹತ್ವ ತಿಳಿಸಿದರು.

ಶಾಲೆಗಳ ಆವರಣದಿಂದ ಪ್ರಾರಂಭವಾದ ಜಾಥಾ ಪಟ್ಟಣದ ಮುಖ್ಯರಸ್ತೆಗೆ ಆಗಮಿಸಿ ಸಂತೆ ಮಾರುಕಟ್ಟೆ ಮೂಲಕ ಕನಕ ವೃತ್ತದಿಂದ ಪುನಃ ಶಾಲೆಗೆ ಬಂದು ತಲುಪಿತು. ಜಾಥಾದಲ್ಲಿ ವಿದ್ಯಾರ್ಥಿಗಳು ಮತದಾನ ಜಾಗೃತಿಯ ನಾನಾ ಘೋಷಣೆಗಳನ್ನು ಕೂಗಿ ಜನರಲ್ಲಿ ಜಾಗೃತಿ ಮೂಡಿಸಿದರು.

ಕಂದಾಯ ನಿರೀಕ್ಷ ಕ ಮಲ್ಲಿಕಾರ್ಜುನ, ಕ.ರಾ.ಪ್ರಾ.ಶಾ.ಶಿ.ಸಂಘದ ಸಿರವಾರ ತಾಲೂಕು ಉಪಾಧ್ಯಕ್ಷ ಮಲ್ಲಿಕಾರ್ಜುನ, ಗ್ರಾಮ ಲೆಕ್ಕಾಧಿಕಾರಿಗಳಾದ ಶಿವಕುಮಾರ, ಸದಾಖಲಿ, ಮುಖಂಡರಾದ ವೆಂಕಟರಾವ್‌ ದಾವಣಗೆರೆ, ಲಾಳ್ಯಪ್ಪ ಎಲ್‌.ಕೆ, ಶಿಕ್ಷ ಕರಾದ ಎಚ್‌ ಮಲ್ಲಪ್ಪ, ಮುದುಕಪ್ಪ, ಸಂಗಪ್ಪ, ಆರೋಗ್ಯಪ್ಪ, ಶಾಂತಪ್ಪ, ಆಂಜನೇಯ, ಹಮೀದ್‌, ಗಿರೀಶ ಅಂಗಡಿ, ಶಿವನಗೌಡ, ಪ.ಪಂ.ಸಿಬ್ಬಂದಿ ಮಾರ್ಕ್‌, ಅಕ್ಬರಸಾಬ್‌, ನಾಡ ಕಾರ್ಯಾಲಯದ ನೌಷದ್‌ ಸೇರಿ ಇತರರಿದ್ದರು.