ನಾಲೆ ವೀಕ್ಷ ಣೆ-ಕೆರೆಗೆ ನೀರು

ಕವಿತಾಳ : ಪಟ್ಟಣ ಸಮೀಪದ ಗಂಗಾನಗರ ಕ್ಯಾಂಪ್‌ (15ನೇ ವಾರ್ಡ್‌) ಹತ್ತಿರ ಹಾದು ಹೋಗಿರುವ ತುಂಗಭದ್ರಾ ನಾಲೆಗೆ ಪ.ಪಂ.ಅಧಿಕಾರಿಗಳು ಹಾಗೂ ಪೊಲೀಸ್‌ ಅಧಿಕಾರಿಗಳು ಭೇಟಿ ನೀಡಿದರು. ಇದೇ ವೇಳೆ ಕುಡಿವ ನೀರಿನ ಕೆರೆ ವೀಕ್ಷಿಸಿದರು.

ಕಳೆದ ಮೂರ್ನಾಲ್ಕು ತಿಂಗಳಿಂದ ಕೆರೆಯಲ್ಲಿ ನೀರಿನ ಪ್ರಮಾಣ ಕಡಿಮೆಯಾಗಿದ್ದರಿಂದ ದಿನ ಬಿಟ್ಟು ದಿನ ನೀರು ಬಿಡುವ ವ್ಯವಸ್ಥೆ ಮಾಡಲಾಗಿತ್ತು. ಆದರೆ ಪುನಃ ನಾಲೆಗೆ ನೀರು ಬಂದ ಹಿನ್ನೆಲೆಯಲ್ಲಿ ಯಾವುದೇ ಕಾರಣಕ್ಕೂ ಕುಡಿವ ನೀರಿಗೆ ತೊಂದರೆಯಾಗಬಾರದೆಂದು ಎಚ್ಚರ ವಹಿಸಿ, ಪ.ಪಂ.ಆಡಳಿತ ಕೆರೆಯನ್ನು ಸಂಪೂರ್ಣ ಭರ್ತಿ ಮಾಡಿ, ನೀರು ಕೊಡುವ ವ್ಯವಸ್ಥೆಗೆ ಮುಂದಾಗಿದೆ. ಬಳಿಕ ಕೆರೆನೀರು ಶುದ್ದೀಕರಣ ಘಟಕವು ಸರಿಯಾಗಿ ಕಾರ್ಯ ನಿರ್ವಹಿಸುತ್ತದೊ ಇಲ್ಲವೊ ಎಂಬುದನ್ನು ಪರೀಕ್ಷಿಸಲಾಯಿತು.

ಪ.ಪಂ.ಮುಖ್ಯಾಧಿಕಾರಿ ಈರಣ್ಣ ಜಗ್ಲಿ, ಜೆಇ ಮಲ್ಲಣ್ಣ, ಕವಿತಾಳ ಠಾಣೆಯ ಪಿಎಸ್‌ಐ ಅಮರೇಶ ಜಿ.ಕೆ, ಪ.ಪಂ.ಸಿಬ್ಬಂದಿ ಮಾರ್ಕ್‌, ರಮೇಶ, ಪೊಲೀಸ್‌ ಸಿಬ್ಬಂದಿ ಯಂಕನಗೌಡ, ಅಶೋಕ ಸೇರಿ ಇತರರಿದ್ದರು.