ಮಳೆಗಾಗಿ ಗುಡ್ಡದ ಪರಮಾನಂದ ದೇವರಿಗೆ ಪೂಜೆ

ಸಿರವಾರ : ಮಳೆಗಾಗಿ ಪಟ್ಟಣ ಹಾಗೂ ಸುತ್ತಲಿನ ಗಂಗಾಮತಸ್ಥ ಸಮುದಾಯದವರು, ಬೆಟ್ಟದ ಮೇಲಿರುವ ಪರಮಾನಂದ ದೇವರಿಗೆ ನೂರಾ ಒಂದು ಕುಂಭದ ನೀರು ಹಾಕಿ ಪೂಜೆ ಸಲ್ಲಿಸಿದರು.

ಪ್ರಮುಖ ಬೀದಿಗಳಲ್ಲಿ ನಾನಾ ವಾದ್ಯ ಮೇಳಗಳೊಂದಿಗ ಮೆರವಣಿಗೆ ನಡೆಸಲಾಯಿತು. ಪಟ್ಟಣದ ಎಲ್ಲ ದೇವಸ್ಥಾನಗಳ ದೇವರಿಗೆ ಜಲಾಭಿಷೇಕ ಮಾಡಲಾಯಿತು. ಈ ಸಂದರ್ಭದಲ್ಲಿ ರೇಣುಕಮ್ಮ ಸಾಬಯ್ಯ ,ಈಶಮ್ಮ ಈರಪ್ಪ, ಸಿದ್ದಮ್ಮ ಯಲ್ಲಪ್ಪ, ಮಡ್ಡಿ ಮಲ್ಲಿಕಾರ್ಜುನ, ರೈತ ಸಂಘದ ಸ್ಥಳೀಯ ಘಟಕದ ಅಧ್ಯಕ್ಷ ನಾಗರಾಜ ಖಾಜನಗೌಡ, ಕರವೇ ಕಾರ್ಯಕರ್ತ ಕೆ.ರಾಘವೇಂದ್ರ, ರಂಜಿತ್‌ , ಮಡ್ಡಿ ಮಂಜುನಾಥ ಸೇರಿ ಇತರರಿದ್ದರು.