ಕಡವೆ ಬೇಟೆಯಾಡಿದ ಮೂವರ ಸೆರೆ

ಸಾತನೂರು: ಕನಕಪುರ ತಾಲ್ಲೂಕಿನ ಸಾತನೂರು ಹೋಬಳಿ ವ್ಯಾಪ್ತಿಯ ಕಾವೇರಿ ವನ್ಯಜೀವಿ ಧಾಮದ ಬಸವನಬೆಟ್ಟ ಮೀಸಲು ಅರಣ್ಯದಲ್ಲಿಕಡವೆಯನ್ನು ಬೇಟೆಯಾಡಿ ಸಾಗಿಸುತ್ತಿದ್ದ ಮೂವರನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಬುಧವಾರ ಬಂಧಿಸಿದ್ದಾರೆ.

ಕುರಿಮಂದೆದೊಡ್ಡಿ ಗ್ರಾಮದ ನಾರಾಯಣ ಬಿನ್‌ ಕೊಂಡಯ್ಯ (51), ಪುಟ್ಟಸ್ವಾಮಿ ಬಿನ್‌ ಚಿಕ್ಕಮಾಗಯ್ಯ (48) , ವೆಂಕಟರಾಮು ಬಿನ್‌ ಹೊನ್ನಯ್ಯ (48) ಎಂಬವರು ಸಾಕು ನಾಯಿಗಳನ್ನು ಬಿಟ್ಟು ಕಡವೆಯನ್ನು ಬೇಟೆಯಾಡಿದ್ದರು. ಕಡವೆ ಮಾಂಸವನ್ನು ಮಾರಾಟ ಮಾಡಲು ಕೊಂಡೊಯ್ಯುತ್ತಿದ್ದಾಗ ಕಾವೇರಿ ವನ್ಯಜೀವಿ ಸಂಗಮ ವಲಯ ಅರಣ್ಯ ಅಧಿಕಾರಿಯಾದ ಕಿರಣ್‌ ಕುಮಾರ್‌ ಜೆ. ಕರತರಂಗಿ ನೇತೃತ್ವದ ತಂಡ ಆರೋಪಿಗಳನ್ನು ಬಂಧಿಸಿ, ಕಡವೆಯ ಮೃತ ದೇಹವನ್ನು ವಶಪಡಿಸಿಕೊಂಡಿತು.

ಆರೋಪಿಗಳನ್ನು ಸಂಗಮ ಅರಣ್ಯ ವಲಯ ಅಧಿಕಾರಿಗಳ ಕಚೇರಿಯಲ್ಲಿವಿಚಾರಣೆಗೊಳಪಡಿಸಿದ ಬಳಿಕ ಕನಕಪುರದ ಪ್ರಥಮ ದರ್ಜೆಯ ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಯಿತು. ನ್ಯಾಯಾಲಯ ಆರೋಪಿಗಳಿಗೆ 14 ದಿನಗಳ ಕಾಲ ನ್ಯಾಯಾಂಗ ಬಂಧನ ವಿಧಿಸಿದೆ. ಈ ಕಾರ್ಯಚರಣೆಯಲ್ಲಿಉಪವಲಯ ಅರಣ್ಯ ಅಧಿಕಾರಿಗಳಾದ ಅನಿಲ್‌ ಕುಮಾರ್‌, ಶರಣಪ್ಪ , ಅರಣ್ಯ ರಕ್ಷಕ ರವಿ, ಕಾರ್ತಿಕ್‌, ರವಿನಾಯಕ್‌, ಸುದೀಪ್‌ ಭಾಗವಹಿಸಿದ್ದರು.