ವೈದ್ಯೆ ಸಹಿ ನಕಲು, ಸೂಪರಿಡೆಂಟ್‌ ವಿರುದ್ಧ ಕೇಸು

ಕುದೂರು:ಸೋಲೂರು ವೈದ್ಯಾಧಿಕಾರಿಯ ಸಹಿ ನಕಲು ಮಾಡಿರುವ ಆರೋಪದಲ್ಲಿಈ ಹಿಂದೆ ವರ್ಗಾವಣೆಗೊಂಡಿದ್ದ ಸೂಪರಿಟೆಂಡೆಂಟ್‌ ಗಣೇಶಮೂರ್ತಿ ವಿರುದ್ಧ ಸೋಲೂರು ಪೊಲೀಸ್‌ ಠಾಣೆಯಲ್ಲಿದೂರು ದಾಖಲಾಗಿದೆ.
ಘಟನೆ ವಿವರ:ಸೋಲೂರು ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿಸೂಪರ್‌ಡೆಂಟ್‌ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಗಣೇಶ ಮೂರ್ತಿ, 2018ರಲ್ಲಿಎಸಿಬಿ ದಾಳಿಯಾದ ನಂತರ ಸೇವೆಯಿಂದ ಅಮಾನತುಗೊಂಡಿದ್ದರು. ನಂತರ ಅಮಾನತು ತೆರವುಗೊಂಡು ಶಿಡ್ಲಘಟ್ಟಕ್ಕೆ ವರ್ಗಾವಣೆಗೊಂಡು ಕಾರ್ಯನಿರ್ವಹಿಸುತ್ತಿದ್ದರಾದರೂ ಎಲ್‌ಪಿಸಿ ಸಿಗದ ಕಾರಣ ಇವರ ಸಂಬಳವನ್ನು ತಡೆಹಿಡಿಯಾಲಾಗಿತ್ತು.
ಈ ವೇಳೆ ಸೋಲೂರು ವೈದ್ಯೆ ಉಮಾದೇವಿಯ ಸಹಿಯನ್ನು ನಕಲು ಮಾಡಿ ಬೆಂಗಳೂರು ಖಜಾನೆಗೆ ದಾಖಲೆ ಕಳಿಸಿದ್ದರು. ವಿಷಯ ತಿಳಿದ ಉಮಾದೇವಿ ಗಣೇಶಮೂರ್ತಿ ವಿರುದ್ಧ ಪೊಲೀಸರಿಗೆ ದೂರು ದಾಖಲಿಸಿದ್ದರು. ಈ ಸಂಬಂಧ ಗಣೇಶ್‌ ಮೂರ್ತಿಯವರನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ.