ಅಬಕಾರಿ ದಾಳಿ: ಅಕ್ರಮ ಮದ್ಯ ವಶ

ರಾಮನಗರ: ಲೋಕಸಭೆ ಚುನಾವಣಾ ಹೊಸ್ತಿಲಿನಲ್ಲಿಯೇ ಅಬಕಾರಿ ಇಲಾಖೆ ಅಧಿಕಾರಿಗಳು ಜಿಲ್ಲೆಯ ವಿವಿಧೆಡೆ ದಾಳಿ ನಡೆಸಿ ಅಕ್ರಮ ಮದ್ಯ ವಶಪಡಿಸಿಕೊಂಡಿದ್ದಾರೆ.

ಚನ್ನಪಟ್ಟಣದ ಅಬಕಾರಿ ವಲಯ ವ್ಯಾಪಿಯ ವಿವಿಧೆಡೆ ಬುಧವಾರ ದಾಳಿ ನಡೆಸಿರುವ ಇಲಾಖೆ, ಅಕ್ರಮ ಮದ್ಯ ಸಗಾಣೆ ಮಾಡುತ್ತಿದ್ದ ಎರಡು ದ್ವಿಚಕ್ರ ವಾಹನಗಳನ್ನು ವಶಕ್ಕೆ ಪಡೆದಿದೆ. ಅದರಲಿದ್ದ 19.440 ಲೀಟರ್‌ ಮದ್ಯ ಹಾಗೂ 6.500 ಲೀಟರ್‌ ಬಿಯರ್‌ ಅನ್ನು ವಶಪಡಿಸಿಕೊಂಡು ಪ್ರಕರಣ ದಾಖಲು ಮಾಡಿದೆ. ಒಟ್ಟು 67,850 ರೂ ಮೌಲ್ಯದ ವಸ್ತುಗಳನ್ನು ಅಬಕಾರಿ ಇಲಾಖೆಯು ವಶ ಪಡಿಸಿಕೊಂಡಿದೆ. ಈ ವೇಳೆ ಆರೋಪಿಗಳು ಪರಾರಿಯಾಗಿದ್ದು, ಅವರ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.

ದಾಳಿ ವೇಳೆ, ಅಬಕಾರಿ ಇನ್ಸೆಪೆಕ್ಟರ್‌ ವಿ.ಆಶಾ, ಸಬ್‌ ಇನ್ಸೆಪೆಕ್ಟರ್‌ ರಾಜೇಂದ್ರ, ಸಿಬ್ಬಂದಿಗಳಾದ ರಮೇಶ್‌, ವಸಂತ್‌ ಕುಮಾರ್‌ ಸೇರಿದಂತೆ ಇನ್ನಿತರರಿದ್ದರು.