‘ಕೆಪಿಎಸ್‌ಸಿ’ ಅರ್ಜಿ ಸಲ್ಲಿಕೆಗೆ ದಿನಾಂಕ ವಿಸ್ತರಣೆ

ಮಾಗಡಿ ಗ್ರಾಮಾಂತರ: ಕರ್ನಾಟಕ ಲೋಕಸೇವಾ ಆಯೋಗ ಫಸ್ಟ್‌ ಡಿವಿಷನ್‌ ಅಸಿಸ್ಟೆಂಡ್‌ ಮತ್ತು ಸೆಕೆಂಡ್‌ ಡಿವಿಷನ್‌ ಅಸಿಸ್ಟೆಂಟ್‌ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ದಿನಾಂಕವನ್ನು ಮಾರ್ಚ್‌ 31ಕ್ಕೆ ವಿಸ್ತರಿಸಿ ಆದೇಶ ಹೊರಡಿಸಿದೆ.

ಈ ಮೊದಲು ಕೆಪಿಎಸ್‌ಸಿಯ ಎಫ್‌ ಡಿಎ ಮತ್ತು ಎಸ್‌ಡಿಎ ಖಾಲಿಯಿರುವ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಮಾರ್ಚ್‌ 20ಕ್ಕೆ ನಿಗದಿ ಪಡಿಸಲಾಗಿತ್ತು. ಸರ್ವರ್‌ ಮುಂತಾದ ಸಮಸ್ಯೆಗಳಿಂದ ಇದೀಗ ಕೊನೆಯ ದಿನಾಂಕವನ್ನು ವಿಸ್ತರಿಸಲಾಗಿದ್ದು, ಅಭ್ಯರ್ಥಿಗಳು ಮಾ. 31 ರವರೆಗೆ ಅರ್ಜಿ ಸಲ್ಲಿಸಲು ಅವಕಾಶ ನೀಡಲಾಗಿದೆ. ಶುಲ್ಕ ಪಾವತಿ ದಿನಾಂಕವನ್ನು ಏಪ್ರಿಲ್‌ 1 ರಂದು ಎಂದು ಕೆಪಿಎಸ್‌ ಪ್ರಕಟಣೆ ಹೊರಡಿಸಿದೆ. ಅಭ್ಯರ್ಥಿಗಳು ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ.