ಸಾಲಬಾಧೆಗೆ ರೈತ ಆತ್ಮಹತ್ಯೆ

ಕೋಡಿಹಳ್ಳಿ(ಕನಕಪುರ ತಾ): ಸಾಲದ ಬಾಧೆ ತಾಳಲಾರದೇ ರೈತನೊಬ್ಬ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಕೊಕರೆಹೊಸಹಳ್ಳಿ ಗ್ರಾಮದ ತಿಮ್ಮೇಗೌಡ(66) ಮೃತ ರೈತ.

ಮಂಗಳವಾರ ಬೆಳಗ್ಗೆ ಘಟನೆ ನಡೆದಿದ್ದು, ಬೆಳೆಯನ್ನು ಬೆಳೆಯಲು ಹೊನ್ನಿಗನಹಳ್ಳಿ ಬ್ಯಾಂಕ್‌ವೊಂದರಲ್ಲಿ 8 ಲಕ್ಷ ರೂ. ಕನಕಪುರದ ಬ್ಯಾಂಕಿನಲ್ಲಿ 14 ಸಾವಿರ ರೂ. ಹಣವನ್ನು ಸಾಲ ಪಡೆದುಕೊಂಡಿದ್ದರು. ಇತ್ತ ಮಳೆ ಇಲ್ಲದೆ ಬೆಳೆಯು ಆಗದೇ ಆತ್ತ ಬ್ಯಾಂಕಿನ ಸಾಲವನ್ನು ತೀರಿಸಲಾಗದೇ ಮನನೊಂದು ಮಂಗಳವಾರ ಮನೆಯಲ್ಲಿ ಬೆಳಗ್ಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಸಂಬಂಧ ಪೋಷಕರು ಕೋಡಿಹಳ್ಳಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.