ರಾಜ್ಯಮಟ್ಟದ ಕರಾಟೆ ಸ್ಪರ್ಧೆಯಲ್ಲಿ ನಾಲ್ಕು ಚಿನ್ನದ ಪದಕ

ಚನ್ನಪಟ್ಟಣ: ರಾಜ್ಯ ಮಟ್ಟದ ಕರಾಟೆ ಸ್ಪರ್ಧೆಯಲ್ಲಿ ತಾಲೂಕಿನ ವಿರುಪಾಕ್ಷಿಪುರ ಹೋಬಳಿಯ ಕೋಡಂಬಹಳ್ಳಿ ಇಂಡಿಯನ್‌ ಅಕಾಡೆಮಿ ಆಫ್‌ ಮಾರ್ಷಲ್‌ ಆರ್ಟ್ಸ್ ಶಾಲೆಯ ಮಕ್ಕಳು ಭಾಗವಹಿಸಿ ನಾಲ್ಕು ಚಿನ್ನ, ಎರಡು ಬೆಳ್ಳಿ, ಎರಡು ಕಂಚು ಸೇರಿದಂತೆ ಒಟ್ಟು ಎಂಟು ಪದಕಗಳನ್ನು ಗಳಿಸಿ ಕೀರ್ತಿ ತಂದಿದ್ದಾರೆ.

ತುಮಕೂರಿನಲ್ಲಿ ನಡೆದ ಸ್ಪರ್ಧೆಯಲ್ಲಿ ಸೃಜನ್‌ ಗೌಡ, ದಿಲೀಪ್‌ ಕುಮಾರ್‌, ಅಭಯ್‌ ಆರಾಧ್ಯ, ರೂಪಶ್ರೀ ಚಿನ್ನದ ಪದಕ, ಧನಿಕ್‌, ಬಿಂದುಶ್ರೀ ಬೆಳ್ಳಿ ಪದಕ, ದರ್ಶನ್‌, ಫಣಿ ಭೂಷಣ್‌ ಕಂಚಿನ ಪದಕಗಳನ್ನು ಗಳಿಸಿದ್ದಾರೆ.

ಅಭಿನಂದನೆ: ಎಂಟು ಪದಕ ತಂದು ಕೀರ್ತಿ ತಂದ ಮಕ್ಕಳನ್ನು ಶಾಲೆಯ ಮುಖ್ಯಶಿಕ್ಷ ಕ ರಘುಸ್ವಾಮಿ, ಗ್ರಾಮದ ಮುಖಂಡ ಕೆ.ಎಸ್‌. ನಾಗರಾಜು, ಶಿಕ್ಷ ಕರಾದ ರಾಜೇಶ್ವರಿ, ಮಹದೇವ ಅಭಿನಂದಿಸಿದ್ದಾರೆ.