ಮಾಜಿ ಡಿಸಿಎಂ ಆಪ್ತ ರಮೇಶ್‌ ಅಂತ್ಯಸಂಸ್ಕಾರ

ರಾಮನಗರ: ಮಾಜಿ ಡಿಸಿಎಂ ಡಾ.ಜಿ.ಪರಮೇಶ್ವರ್‌ ಆಪ್ತ ಸಹಾಯಕ ರಮೇಶ್‌ ಅಂತ್ಯಸಂಸ್ಕಾರ, ಹುಟ್ಟೂರು ತಾಲೂಕಿನ ಮೇಳೆಹಳ್ಳಿಯಲ್ಲಿ ಭಾನುವಾರ ನೆರವೇರಿತು.

ಮಾಜಿ ಡಿಸಿಎಂ ಪರ ಮೇಶ್ವರ್‌ ಸೇರಿ ಹಲವು ರಾಜ ಕೀಯ ನಾಯಕರು, ಅಂತ್ಯ ಸಂಸ್ಕಾರ ವಿಧಿ ವಿಧಾನದಲ್ಲಿ ಭಾಗಿಯಾದರು. ಒಕ್ಕಲಿಗರ ಸಂಪ್ರದಾಯದಂತೆ ರಮೇಶ್‌ ಅಂತಿಮ ವಿಧಿ ವಿಧಾನ ನೆರವೇರಿಸಲಾಯಿತು. ಮಗ ಮೋಹಿತ್‌ ತಂದೆಯ ಪಾರ್ಥಿವ ಶರೀರಕ್ಕೆ ಆಗ್ನಿ ಸ್ಪರ್ಶಮಾಡಿದನು.

ಮುಗಿಲು ಮುಟ್ಟಿದ ಆಕ್ರಂದನ: ಶನಿವಾರ ರಾತ್ರಿ ವೇಳೆಗೆ ರಮೇಶ್‌ ಮೃತದೇಹ ಆತನ ಹುಟ್ಟೂರು ಮೆಳೇಹಳ್ಳಿಗೆ ಬಂದ ವೇಳೆ ಹಾಜರಿದ್ದ ನೂರಾರು ಗ್ರಾಮಸ್ಥರು ಕಣ್ಣೀರಿಟ್ಟರು. ಸಂಬಂಧಿಕರ ರೋಧನೆ ಮನಕಲುಕುವಂತಿತ್ತು. ಭಾನುವಾರ ಬೆಳಗ್ಗೆ 11 ಗಂಟೆಯವರೆಗೆ ಗ್ರಾಮಸ್ಥರು, ಸಂಬಂಧಿಕರು, ಸ್ನೇತರು, ಕಾಂಗ್ರೆಸ್‌ ಕಾರ್ಯ ಕರ್ತ ರು ಹೀಗೆ ನೂರಾರು ಜನ ಆಗಮಿಸಿ ರಮೇಶ್‌ ಅಂತಿಮ ದರ್ಶನ ಪಡೆದುಕೊಂಡರು. ನಂತರ ಕುಟುಂಬಕ್ಕೆ ಸೇರಿದ ಹತ್ತಿರದ ಜಮೀನಿನಲ್ಲಿಅಂತ್ಯ ಸಂಸ್ಕಾರ ಮಾಡಲಾಯಿತು. ಇದಕ್ಕೂ ಮುನ್ನ ಶವಯಾತ್ರೆ ನಡೆಯಿತು.

ಐಟಿ ಇಲಾಖೆ ಬಗ್ಗೆ ಕೆಂಡ: ಈ ವೇಳೆ ಮಾತನಾಡಿದ ರಮೇಶ್‌ ಸಹೋದರ ಸತೀಶ್‌, ಐಟಿ ನೀಡುವ ಹಿಂಸೆಗೆ ತುಂಬ ಜನ ಬಲಿ ಯಾಗಿದ್ದಾರೆ. ಇವರಿಗೆ ಮುಂದೆ ತಕ್ಕ ಪಾಠ ಕಲಿಸಿದರೆ ಒಳ್ಳೆಯದು ಎಂದರು.