ಜಿಜಿಎಂಎಸ್‌ ಶಾಲೆಯಲ್ಲಿ ಹುತಾತ್ಮ ಯೋಧರಿಗೆ ಶ್ರದ್ಧಾಂಜಲಿ

ಮಾಗಡಿ: ಪಾಕಿಸ್ತಾನ ಬೆಂಬಲಿತ ಜೈಷೆ ಮೊಹಮದ್‌ ಸಂಘಟನೆ ಪ್ರಚೊದಿತ ಆತ್ಮಾಹುತಿ ಬಾಂಬ್‌ ದಾಳಿಯಿಂದಾಗಿ ನಮ್ಮ 42 ವೀರಯೋಧರು ಹುತಾತ್ಮರಾಗಿರುವುದು ಅತ್ಯಂತ ನೋವಿನ ಸಂಗತಿ ಎಂದು ಜಿಜಿಎಂಎಸ್‌ ಶಾಲೆಯ ಮುಖ್ಯ ಶಿಕ್ಷ ಕಿ ಮಾಲತಮ್ಮ ನುಡಿದರು.

ಪಟ್ಟಣದ ಜಿಜಿಎಂಎಸ್‌ ಶಾಲೆಯಲ್ಲಿ ಏರ್ಪಡಿಸಿದ್ದ ಶ್ರದ್ಧಾಂಜಲಿ ಸಭೆಯಲ್ಲಿ ಮಾತನಾಡಿ, ''ಜೀವ ವಿರೋಧಿ ಚಟುವಟಿಕೆ ನಡೆಸುವುದರಲ್ಲಿ ಪಾಕಿಸ್ತಾನ ಅತ್ಯಂತ ಮುಂಚೂಣಿಯಲ್ಲಿದೆ. ತನ್ನ ಒಡಲಿನ ಬೆಂಕಿ ತನ್ನನ್ನೇ ಸುಡುತ್ತದೆ. ಈ ವಿಚಾರದಲ್ಲಿ ವಿಶ್ವಸಂಸ್ಥೆ ಮುಂದೆ ಬಂದು ಉಗ್ರರ ಬುಡವನ್ನು ಬುಡ ಸಮೇತ ಕೀಳಬೇಕು,'' ಎಂದು ಹೇಳಿದರು.

ಶಾಲೆಯ ಸಹ ಶಿಕ್ಷ ಕಿಯರಾದ ಮಾಧವಿ, ಉಮಾದೇವಿ, ವಿಜಯಲಕ್ಷ್ಮೀ, ಅಕ್ಷ ರ ಚಿಕ್ಕವೀರಯ್ಯ, ದೊಡ್ಡಸ್ವಾಮಿ, ವಿದ್ಯಾರ್ಥಿನಿಯರಾದ ರಕ್ಷಿತ, ದಿವ್ಯ, ಭಾನು, ದೀಪಿಕ, ರಾಕೇಶ್‌, ಹೇಮಂತ್‌ ಮತ್ತಿತರರು ಇದ್ದರು.