ಎಸ್‌.ಶ್ರೀಧರ್‌
ಕಳೆದ ಒಂದು ತಿಂಗಳಿಂದ ತಮ್ಮ ಅಭ್ಯರ್ಥಿಗಳನ್ನು ಗೆಲ್ಲಿಸಿಕೊಳ್ಳಲು ಪಕ್ಷದ ಮುಖಂಡರು, ಕಾರ್ಯಕರ್ತರು ಅವಿರತ ದುಡಿದರು. ಎಲ್ಲೆಡೆ ಪ್ರಚಾರದ ಅಬ್ಬರ, ಜನಜಂಗುಳಿ ಕಾಣಿಸುತ್ತಿತ್ತು. ಆದರೆ ಮತದಾನ ಪ್ರಕ್ರಿಯೆ ಮುಕ್ತಾಯವಾಗುತ್ತಿದ್ದಂತೆ ಚುನಾವಣೆ ಗುಂಗಿನಿಂದ ಜನಜೀವನ ಹೊರಬಂದಿದೆ. ಆಯಾ ಬೂತ್‌ಗಳಲ್ಲಿ ಕಾರ್ಯಕರ್ತರು ಪಕ್ಷಭೇದ ಮರೆತು ಎಂದಿನಂತೆ ಜತೆಯಲ್ಲಿ ನಡೆದಾಡುತ್ತಿದ್ದಾರೆ.
ಎಲ್ಲೆಡೆ ಕೇಳಿಬರುತ್ತಿದ್ದ ಮೈಕ್‌ ಶಬ್ಧ, ನಾಯಕರ ಪರವಾದ ಜೈಕಾರ ಘೋಷಣೆಗಳ ಸದ್ದು ಅಡಗಿದೆ. ಚುನಾವಣಾ ಕಾರ್ಯಕ್ಕೆ ನೇಮಕವಾದ ಸಿಬ್ಬಂದಿ ಬಹುತೇಕ ಮಂದಿ ರಿಲಾಕ್ಸ್ ಮೂಡ್‌ನಲ್ಲಿದ್ದು, ಹಲವು ಮಂದಿ ದಿನನಿತ್ಯದ ಕರ್ತವ್ಯಕ್ಕೆ ಗೈರಾಗಿದ್ದಾರೆ.
ಬಸ್‌ ಸಂಚಾರ ಸುಗಮ
ಮತದಾನದ ಹಿನ್ನೆಲೆಯಲ್ಲಿ ಬಹುತೇಕ ಸಾರಿಗೆ ಬಸ್‌ಗಳನ್ನು ಚುನಾವಣಾ ಕಾರ್ಯಕ್ಕೆ ನಿಯೋಜಿಸಲಾಗಿತ್ತು. ಇದರಿಂದ ಪ್ರಯಾಣಿಕರು ಬಸ್‌ಗಳ ಸಮರ್ಪಕ ಸೌಲಭ್ಯವಿಲ್ಲದೆ ಕಳೆದ ಎರಡು ದಿನಗಳಿಂದ ಪರದಾಡುತ್ತಿದ್ದರು. ನೂಕು ನುಗ್ಗಲಿನಲ್ಲೆ ಪ್ರಯಾಣ ಮಾಡಬೇಕಾಗಿತ್ತು. ಇದೀಗ ಎಂದಿನಂತೆ ಬಸ್‌ ಸಂಚಾರ ಸುಗಮವಾಗಿದೆ. ಬೆಳಗ್ಗೆ ಬಸ್‌ಗಳಲ್ಲಿಹೆಚ್ಚಿನ ಜನ ಸಂದಣಿ ಕಂಡುಬಂತು.
ಗೆಲುವು ಸೋಲಿನ ಲೆಕ್ಕಾಚಾರ
ಚುನಾವಣೋತ್ತರ ಸಮೀಕ್ಷೆ, ಅಭ್ಯರ್ಥಿಗಳ ಸೋಲು ಗೆಲುವಿನ ಚರ್ಚೆ, ಗೆಲುವಿನ ಅಂತರದ ಬಗೆಗಿನ ಚರ್ಚೆಗಳು ಎಲ್ಲೆಡೆ ಕೇಳಿಬರುತ್ತಿವೆ. ಮುಖಂಡರು ಮನೆಗಳಲ್ಲೇ ಕೂತು ಲೆಕ್ಕಾಚಾರಗಳನ್ನು ಹಾಕಿಕೊಳ್ಳುತ್ತಿದ್ದಾರೆ. ಆಯಾ ಬೂತ್‌ ಕಾರ್ಯಕರ್ತರಿಂದ ಮತ ಚಲಾವಣೆ ಪ್ರಮಾಣ, ಎಷ್ಟು ಮತ ಬಂದಿರಬಹುದು ಎಂದು ಅಂದಾಜು ಮಾಡುತ್ತಿರುವ ಮುಖಂಡರು ಸೋಲು ಗೆಲುವಿನ ಲೆಕ್ಕಾಚಾರ ಹಾಕುತ್ತಿದ್ದಾರೆ.
ರಿಲ್ಯಾಕ್ಸ್‌ ಮೂಡ್‌
ಮತದಾನದ ನಂತರ ಅಭ್ಯರ್ಥಿಗಳು ರಿಲಾಕ್ಸ್ ಮೂಡ್‌ನಲ್ಲಿದ್ದಾರೆ. ಜಿಲ್ಲೆಯಲ್ಲಿಘಟಾನುಘಟಿಗಳ ಸ್ಪರ್ಧೆಯಿಂದ ಚುನಾವಣಾ ಕಣ ರಂಗೇರಿತ್ತು. ಇದೀಗ ಅಭ್ಯರ್ಥಿಗಳು ವಿಶ್ರಾಂತಿ ಪಡೆಯುತ್ತಿದ್ದಾರೆ.
ಚನ್ನಪಟ್ಟಣದಿಂದ ಸ್ಪರ್ಧಿಸಿದ್ದ ಎಚ್‌.ಡಿ.ಕುಮಾರಸ್ವಾಮಿ ಅವರು ವಿಶ್ರಾಂತಿಗೆಂದು ಸಿಂಗಾಪುರಕ್ಕೆ ತೆರಳಿದ್ದು, ಶನಿವಾರ ರಾಜ್ಯಕ್ಕೆ ಆಗಮಿಸುವ ನಿರೀಕ್ಷೆ ಇದೆ. ಕನಕಪುರದಿಂದ ಸ್ಪರ್ಧಿಸಿದ್ದ ಆರ್‌.ಅಶೋಕ್‌ ಬೆಂಗಳೂರಿನ ಸ್ವಗೃಹದಲ್ಲಿವಿಶ್ರಾಂತಿ ಪಡೆಯುತ್ತಿದ್ದಾರೆ. ಸಿ.ಪಿ.ಯೋಗೇಶ್ವರ್‌ ಅವರೂ ಸಹ ರಿಲ್ಯಾಕ್ಸ್‌ ಮೂಡ್‌ನಲ್ಲಿದ್ದು ಚನ್ನಪಟ್ಟಣದಲ್ಲಿ, ಇಕ್ಬಾಲ್‌ ಹುಸೇನ್‌, ಗೌತಮ್‌ ಗೌಡ, ಎ.ಮಂಜು, ಬಾಲಕೃಷ್ಣ, ಪ್ರಸಾದ್‌ ಗೌಡ ಸೇರಿದಂತೆ ಬಹುತೇಕ ಅಭ್ಯರ್ಥಿಗಳು ಸ್ವಗೃಹದಲ್ಲಿವಿಶ್ರಾಂತಿ ಪಡೆಯುತ್ತಿದ್ದಾರೆ.
ಕನಕಪುರಕ್ಕೆ ಭೇಟಿ ನೀಡಿದ್ದ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್‌ ಜ್ವರದಿಂದ ಬಳಲುತ್ತಿದ್ದರು. ತಮ್ಮ ನೆಚ್ಚಿನ ಕನಕಪುರದ ವಾಸು ಹೋಟೆಲ್‌ನಲ್ಲಿತಿಂಡಿ ಮಾಡಿದ ಡಿಕೆಶಿ ನಂತರ ಅವರ ತಾಯಿಯವರ ಆರ್ಶೀವಾದ ಪಡೆದು ವಿಶ್ರಾಂತಿಗೆಂದು ಬೆಂಗಳೂರಿಗೆ ತೆರಳಿದರು.
ಕಣಕ್ಕಿಳಿದ ಬೆಟ್ಟಿಂಗ್‌ ದಾಸರು
ಬೆಟ್ಟಿಂಗ್‌ ದಾಸರು ಈಗಾಗಲೇ ಕಣಕ್ಕಿಳಿದಿದ್ದಾರೆ. ತಮ್ಮ ಮೂಲಗಳಿಂದ ಮಾಹಿತಿಯನ್ನು ಖಚಿತಪಡಿಸಿಕೊಳ್ಳುತ್ತಿರುವ ಇವರು ಅಭ್ಯರ್ಥಿ ಗೆಲುವು, ಸೋಲು, ಗೆಲುವಿನ ಅಂತರದ ಬಗ್ಗೆ ಬೆಟ್ಟಿಂಗ್‌ ಆಡಲು ಅಣಿಯಾಗಿದ್ದಾರೆ. ಗುರುವಾರ ಮತ್ತು ಶುಕ್ರವಾರ ಕೋಟ್ಯಾಂತರ ರೂಪಾಯಿ ಬೆಟ್ಟಿಂಗ್‌ ನಡೆಯುವ ಸಾಧ್ಯತೆ ಅಲ್ಲಗಳಿಯುವಂತಿಲ್ಲ.
ಕಳೆದ ಒಂದು ತಿಂಗಳಿಂದ ತಮ್ಮ ಅಭ್ಯರ್ಥಿಗಳನ್ನು ಗೆಲ್ಲಿಸಿಕೊಳ್ಳಲು ಪಕ್ಷದ ಮುಖಂಡರು, ಕಾರ್ಯಕರ್ತರು ಅವಿರತ ದುಡಿದರು. ಎಲ್ಲೆಡೆ ಪ್ರಚಾರದ ಅಬ್ಬರ, ಜನಜಂಗುಳಿ ಕಾಣಿಸುತ್ತಿತ್ತು. ಆದರೆ ಮತದಾನ ಪ್ರಕ್ರಿಯೆ ಮುಕ್ತಾಯವಾಗುತ್ತಿದ್ದಂತೆ ಚುನಾವಣೆ ಗುಂಗಿನಿಂದ ಜನಜೀವನ ಹೊರಬಂದಿದೆ. ಆಯಾ ಬೂತ್‌ಗಳಲ್ಲಿ ಕಾರ್ಯಕರ್ತರು ಪಕ್ಷಭೇದ ಮರೆತು ಎಂದಿನಂತೆ ಜತೆಯಲ್ಲಿ ನಡೆದಾಡುತ್ತಿದ್ದಾರೆ.
ಎಲ್ಲೆಡೆ ಕೇಳಿಬರುತ್ತಿದ್ದ ಮೈಕ್‌ ಶಬ್ಧ, ನಾಯಕರ ಪರವಾದ ಜೈಕಾರ ಘೋಷಣೆಗಳ ಸದ್ದು ಅಡಗಿದೆ. ಚುನಾವಣಾ ಕಾರ್ಯಕ್ಕೆ ನೇಮಕವಾದ ಸಿಬ್ಬಂದಿ ಬಹುತೇಕ ಮಂದಿ ರಿಲಾಕ್ಸ್ ಮೂಡ್‌ನಲ್ಲಿದ್ದು, ಹಲವು ಮಂದಿ ದಿನನಿತ್ಯದ ಕರ್ತವ್ಯಕ್ಕೆ ಗೈರಾಗಿದ್ದಾರೆ.
ಬಸ್‌ ಸಂಚಾರ ಸುಗಮ
ಮತದಾನದ ಹಿನ್ನೆಲೆಯಲ್ಲಿ ಬಹುತೇಕ ಸಾರಿಗೆ ಬಸ್‌ಗಳನ್ನು ಚುನಾವಣಾ ಕಾರ್ಯಕ್ಕೆ ನಿಯೋಜಿಸಲಾಗಿತ್ತು. ಇದರಿಂದ ಪ್ರಯಾಣಿಕರು ಬಸ್‌ಗಳ ಸಮರ್ಪಕ ಸೌಲಭ್ಯವಿಲ್ಲದೆ ಕಳೆದ ಎರಡು ದಿನಗಳಿಂದ ಪರದಾಡುತ್ತಿದ್ದರು. ನೂಕು ನುಗ್ಗಲಿನಲ್ಲೆ ಪ್ರಯಾಣ ಮಾಡಬೇಕಾಗಿತ್ತು. ಇದೀಗ ಎಂದಿನಂತೆ ಬಸ್‌ ಸಂಚಾರ ಸುಗಮವಾಗಿದೆ. ಬೆಳಗ್ಗೆ ಬಸ್‌ಗಳಲ್ಲಿಹೆಚ್ಚಿನ ಜನ ಸಂದಣಿ ಕಂಡುಬಂತು.
ಗೆಲುವು ಸೋಲಿನ ಲೆಕ್ಕಾಚಾರ
ಚುನಾವಣೋತ್ತರ ಸಮೀಕ್ಷೆ, ಅಭ್ಯರ್ಥಿಗಳ ಸೋಲು ಗೆಲುವಿನ ಚರ್ಚೆ, ಗೆಲುವಿನ ಅಂತರದ ಬಗೆಗಿನ ಚರ್ಚೆಗಳು ಎಲ್ಲೆಡೆ ಕೇಳಿಬರುತ್ತಿವೆ. ಮುಖಂಡರು ಮನೆಗಳಲ್ಲೇ ಕೂತು ಲೆಕ್ಕಾಚಾರಗಳನ್ನು ಹಾಕಿಕೊಳ್ಳುತ್ತಿದ್ದಾರೆ. ಆಯಾ ಬೂತ್‌ ಕಾರ್ಯಕರ್ತರಿಂದ ಮತ ಚಲಾವಣೆ ಪ್ರಮಾಣ, ಎಷ್ಟು ಮತ ಬಂದಿರಬಹುದು ಎಂದು ಅಂದಾಜು ಮಾಡುತ್ತಿರುವ ಮುಖಂಡರು ಸೋಲು ಗೆಲುವಿನ ಲೆಕ್ಕಾಚಾರ ಹಾಕುತ್ತಿದ್ದಾರೆ.
ರಿಲ್ಯಾಕ್ಸ್‌ ಮೂಡ್‌
ಮತದಾನದ ನಂತರ ಅಭ್ಯರ್ಥಿಗಳು ರಿಲಾಕ್ಸ್ ಮೂಡ್‌ನಲ್ಲಿದ್ದಾರೆ. ಜಿಲ್ಲೆಯಲ್ಲಿಘಟಾನುಘಟಿಗಳ ಸ್ಪರ್ಧೆಯಿಂದ ಚುನಾವಣಾ ಕಣ ರಂಗೇರಿತ್ತು. ಇದೀಗ ಅಭ್ಯರ್ಥಿಗಳು ವಿಶ್ರಾಂತಿ ಪಡೆಯುತ್ತಿದ್ದಾರೆ.
ಚನ್ನಪಟ್ಟಣದಿಂದ ಸ್ಪರ್ಧಿಸಿದ್ದ ಎಚ್‌.ಡಿ.ಕುಮಾರಸ್ವಾಮಿ ಅವರು ವಿಶ್ರಾಂತಿಗೆಂದು ಸಿಂಗಾಪುರಕ್ಕೆ ತೆರಳಿದ್ದು, ಶನಿವಾರ ರಾಜ್ಯಕ್ಕೆ ಆಗಮಿಸುವ ನಿರೀಕ್ಷೆ ಇದೆ. ಕನಕಪುರದಿಂದ ಸ್ಪರ್ಧಿಸಿದ್ದ ಆರ್‌.ಅಶೋಕ್‌ ಬೆಂಗಳೂರಿನ ಸ್ವಗೃಹದಲ್ಲಿವಿಶ್ರಾಂತಿ ಪಡೆಯುತ್ತಿದ್ದಾರೆ. ಸಿ.ಪಿ.ಯೋಗೇಶ್ವರ್‌ ಅವರೂ ಸಹ ರಿಲ್ಯಾಕ್ಸ್‌ ಮೂಡ್‌ನಲ್ಲಿದ್ದು ಚನ್ನಪಟ್ಟಣದಲ್ಲಿ, ಇಕ್ಬಾಲ್‌ ಹುಸೇನ್‌, ಗೌತಮ್‌ ಗೌಡ, ಎ.ಮಂಜು, ಬಾಲಕೃಷ್ಣ, ಪ್ರಸಾದ್‌ ಗೌಡ ಸೇರಿದಂತೆ ಬಹುತೇಕ ಅಭ್ಯರ್ಥಿಗಳು ಸ್ವಗೃಹದಲ್ಲಿವಿಶ್ರಾಂತಿ ಪಡೆಯುತ್ತಿದ್ದಾರೆ.
ಕನಕಪುರಕ್ಕೆ ಭೇಟಿ ನೀಡಿದ್ದ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್‌ ಜ್ವರದಿಂದ ಬಳಲುತ್ತಿದ್ದರು. ತಮ್ಮ ನೆಚ್ಚಿನ ಕನಕಪುರದ ವಾಸು ಹೋಟೆಲ್‌ನಲ್ಲಿತಿಂಡಿ ಮಾಡಿದ ಡಿಕೆಶಿ ನಂತರ ಅವರ ತಾಯಿಯವರ ಆರ್ಶೀವಾದ ಪಡೆದು ವಿಶ್ರಾಂತಿಗೆಂದು ಬೆಂಗಳೂರಿಗೆ ತೆರಳಿದರು.
ಕಣಕ್ಕಿಳಿದ ಬೆಟ್ಟಿಂಗ್‌ ದಾಸರು
ಬೆಟ್ಟಿಂಗ್‌ ದಾಸರು ಈಗಾಗಲೇ ಕಣಕ್ಕಿಳಿದಿದ್ದಾರೆ. ತಮ್ಮ ಮೂಲಗಳಿಂದ ಮಾಹಿತಿಯನ್ನು ಖಚಿತಪಡಿಸಿಕೊಳ್ಳುತ್ತಿರುವ ಇವರು ಅಭ್ಯರ್ಥಿ ಗೆಲುವು, ಸೋಲು, ಗೆಲುವಿನ ಅಂತರದ ಬಗ್ಗೆ ಬೆಟ್ಟಿಂಗ್‌ ಆಡಲು ಅಣಿಯಾಗಿದ್ದಾರೆ. ಗುರುವಾರ ಮತ್ತು ಶುಕ್ರವಾರ ಕೋಟ್ಯಾಂತರ ರೂಪಾಯಿ ಬೆಟ್ಟಿಂಗ್‌ ನಡೆಯುವ ಸಾಧ್ಯತೆ ಅಲ್ಲಗಳಿಯುವಂತಿಲ್ಲ.