ಕಾಶ್ಮೀರ ವಿಷಯದಲ್ಲಿಮೋದಿ ಅವರದ್ದು ದಿಟ್ಟ ನಿರ್ಧಾರ

ಕನಕಪುರ:ಭಾರತದ ದೇಶದಲ್ಲಿಇದುವರೆಗಿನ ಯಾವುದೇ ಪ್ರಧಾನ ಮಂತ್ರಿಗಳು ಕೈಗೊಳ್ಳದಂತಹ ದಿಟ್ಟ ನಿರ್ಧಾರವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಕಾಶ್ಮೀರ ವಿಚಾರದಲ್ಲಿಕೈಗೊಂಡಿದ್ದಾರೆ. ಜಮ್ಮು ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡಿದ್ದ 370ನೇ ವಿಧಿ ರದ್ದು ಸಣ್ಣ ವಿಷಯವಲ್ಲ. ಈ ಹೊತ್ತಿನಲ್ಲಿಪ್ರತಿಯೊಬ್ಬರೂ ಮೋದಿ ಅವರನ್ನು ಬೆಂಬಲಿಸಿ ದೇಶ ಕಟ್ಟುವ ಕೆಲಸದಲ್ಲಿಕೈಜೋಡಿಸಬೇಕು ಎಂದು ಮಾಜಿ ಸಚಿವ ಪಿ.ಜಿ.ಆರ್‌. ಸಿಂಧ್ಯಾ ಹೇಳಿದರು.

ತಮ್ಮ 70ನೇ ಜನ್ಮದಿನದ ಅಂಗವಾಗಿ ಕನಕಪುರ ತಾಲೂಕಿನ ಕಲ್ಲಹಳ್ಳಿಯ ವೆಂಕಟರಮಣಸ್ವಾಮಿ ದೇವಾಸ್ಥಾನದಲ್ಲಿಪೂಜೆ ಸಲ್ಲಿಸಲು ಬಂದಿದ್ದ ಅವರು ಮಾಧ್ಯಮದೊಂದಿಗೆ ಮಾತನಾಡಿದರು.

ನಿಭಾಯಿಸುವುದು ಸುಲಭವಲ್ಲ: 370ನೇ ವಿಧಿಯನ್ನು ರದ್ದುಪಡಿಸಿದ ಬಳಿಕ ಕಾಶ್ಮೀರದಲ್ಲಿಪರಿಸ್ಥಿತಿ ನಿಭಾಯಿಸುವುದು ಸುಲಭದ ಕೆಲಸವಲ್ಲ. ಇದೇ ಹೊತ್ತಿಗೆ ದೇಶದಲ್ಲಿಆರ್ಥಿಕ ಬಿಕ್ಕಟ್ಟು ತಲೆದೋರಿದೆ. ಇಂತಹ ಕಷ್ಟದ ಹೊತ್ತಿನಲ್ಲಿನಾವೆಲ್ಲರೂ ದೇಶ ಕಟ್ಟುವ ಕೆಲಸಕ್ಕೆ ಕೈಜೋಡಿಸಬೇಕಿದೆ ಎಂದರು.

ನನಗೂ ಸ್ಥಾನ ಸಿಗಲಿದೆ: ಮುಂದಿನ ಹತ್ತು ವರ್ಷಗಳ ಕಾಲ ಯಾವುದೇ ಒಂದು ಪಕ್ಷಕ್ಕೆ ಬಹುಮತ ಸಿಗುವುದು ಕಷ್ಟ. ಎಲ್ಲಾಪಕ್ಷಗಳು ಸೇರಿ ಸರಕಾರ ನಡೆಸುವ ಸಂದರ್ಭ ಬರಲಿದೆ. ಈ ಮಾತನ್ನು ಬಹಳ ಹಿಂದೆಯೇ ಜಯಪ್ರಕಾಶ್‌ ನಾರಾಯಣ್‌ ಹೇಳಿದ್ದರು. ಇದನ್ನೇ ಅವರು ಅಂದು ಸರ್ವೋದಯ ಎಂದು ಕರೆದಿದ್ದರು, ಇಂತಹ ಸನ್ನಿವೇಶ ನಿರ್ಮಾಣವಾದರೆ, ನನಗೂ ಒಂದು ಸ್ಥಾನ ಸಿಗಲಿದೆ ಎಂದು ಸಿಂಧ್ಯಾ ಭವಿಷ್ಯ ನುಡಿದರು.

ಡಿಕೆಶಿ ತಾಯಿಗೆ ಧೈರ‍್ಯ ಹೇಳಿದ್ದೇನೆ: ಕ್ಷೇತ್ರದ ಶಾಸಕ ಡಿ.ಕೆ. ಶಿವಕುಮಾರ್‌ ಈಗ ಸಂಕಷ್ಟದಲ್ಲಿದ್ದಾರೆ. ನಾನು ಸಹ ಅವರ ತಾಯಿ ಭೇಟಿ ಮಾಡಿ ಧೈರ‍್ಯ ತುಂಬಿದ್ದೇನೆ. ಸದ್ಯ ಪ್ರಕರಣ ಕೋರ್ಟ್‌ನಲ್ಲಿದೆ, ಅಲ್ಲೇ ತೀರ್ಮಾನವಾಗಲಿದೆ ಎಂದರು. ಈ ಸಂದರ್ಭದಲ್ಲಿಉಮಾಶಂಖರ್‌, ರವಿ, ಚಿಕ್ಕಸ್ವಾಮಿ, ದಾಸಪ್ಪ, ಚಿಕ್ಕಮರಿ, ಸೇರಿದಂತೆ ಅನೇಕ ಬೆಂಬಲಿಗರು ಹಾಜರಿದ್ದರು.