ತಾಯಿಯ ಕತ್ತು ಕೊಯ್ದು ರುಂಡ ಬೇರ್ಪಡಿಸಿದ ಹೆತ್ತ ಮಗ

ರಾಮನಗರ: ಜಿಲ್ಲೆಯ ಚನ್ನಪಟ್ಟಣ ತಾಲೂಕಿನ ಕೋಡಂಬಹಳ್ಳಿ ಹೋಬಳಿಯ ಕರ್ಲಹಳ್ಳಿ ಗ್ರಾದಲ್ಲಿ ಹಾಡ ಹಗಲೇ ತಾಯಿಯನ್ನು ಮಗ ಕೊಲೆ ಮಾಡಿದ್ದಾನೆ. 25 ವರ್ಷ ವಯಸ್ಸಿನ ಕುಮಾರ ಎಂಬಾತ 56 ವಯಸ್ಸಿನ ಪಾರ್ವತಮ್ಮ ಎಂಬಾಕೆಯನ್ನು ಬರ್ಬರವಾಗಿ ಹತ್ಯೆ ಮಾಡಿದ್ದಾನೆ.

ತಾಯಿಯ ಕತ್ತು ಕೊಯ್ದು ಕೊಲೆ ಮಾಡಿ ರುಂಡ ಬೇರ್ಪಡಿಸಿರುವುದು ಕೊಲೆಯ ಬರ್ಬರತೆಯನ್ನು ಎತ್ತಿ ತೋರಿಸುತ್ತದೆ. ಇಳಿವಯಸ್ಸಿನಲ್ಲಿ ತಾಯಿಯನ್ನು ನೋಡಿಕೊಳ್ಳಬೇಕಾದ ಮಗ ಕೊಲೆಗೈದು ಪರಾರಿಯಾಗಿರುವುದು ವಿಚಿತ್ರ.

ಇನ್ನು, ಈ ದೃಶ್ಯವನ್ನು ಕಂಡ ಗ್ರಾಮಸ್ಥರು ಹಲವು ಗಂಟೆಗಳ ಕಾಲ ಸ್ಥಳದಲ್ಲೇ ಬೀಡುಬಿಟ್ಟಿದ್ದರು. ಅಲ್ಲದೆ, ಪೊಲೀಸರಿಗೆ ಮಾಹಿತಿ ನೀಡಿದರೂ ಸಹ ಅಕ್ಕೂರು ಪೋಲಿಸ್ ಠಾಣಾ ಅಧಿಕಾರಿಗಳು ಸ್ಥಳಕ್ಕೆ ಎಷ್ಟು ಹೊತ್ತಾದರೂ ಧಾವಿಸಿರಲಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದರು.