ಕೋಡಿಹಳ್ಳಿ ಗ್ರಾಮ ಪಂಚಾಯಿತಿಗೆ ನ್ಯಾಷನಲ್‌ ಆವಾರ್ಡ್‌

ನರೇಗಾ ಯೋಜನೆಯಡಿ ಗಮನಾರ್ಹ ಸಾಧನೆ ಕುರಿತು ಕೇಂದ್ರಕ್ಕೆ ವರದಿ

ಕೋಡಿಹಳ್ಳಿ(ಕನಕಪುರ ತಾ): ನರೇಗಾ ಯೋಜನೆಯನ್ನು ಸಮರ್ಪಕವಾಗಿ ಬಳಸಿಕೊಂಡ ಗ್ರಾಮ ಪಂಚಾಯಿತಿಗಳಿಗೆ ಕೇಂದ್ರ ಸರಕಾರ ನೀಡುವ ನ್ಯಾಷನಲ್‌ ಅರ್ವಾಡ್‌ಗೆ ರಾಮನಗರ ಜಿಲ್ಲೆಯ ಕನಕಪುರ ತಾಲೂಕಿನ ಕೋಡಿಹಳ್ಳಿ ಗ್ರಾಮ ಪಂಚಾಯಿತಿಯ ಹೆಸರು ಶಿಫಾರಸಾಗಿದೆ.

ನರೇಗಾ ನ್ಯಾಷನಲ್‌ ಅವಾರ್ಡ್‌ಗೆ ರಾಜ್ಯದ ಮೂರು ಗ್ರಾಮ ಪಂಚಾಯಿತಿಗಳು ಆಯ್ಕೆಯಾಗಿದ್ದು, ಅದರಲ್ಲಿ ಕೋಡಿಹಳ್ಳಿ ಪಂಚಾಯಿತಿಯು ಒಂದು. ಈ ಪಂಚಾಯಿತಿಯು 3 ತಿಂಗಳ ಅವಧಿಯಲ್ಲಿ ಮಾಡಿದ ಗಮನಾರ್ಹ ಸಾಧನೆ ಕುರಿತು ಕೇಂದ್ರ ವರದಿ ಕೇಳಿದ್ದು, ರಾಜ್ಯ ಸರಕಾರ ಮಾಹಿತಿ ಸಲ್ಲಿಸಿತ್ತು. ವರದಿ ಅವಲೋಕಿಸಿದ ಕೇಂದ್ರ, ಕೋಡಿಹಳ್ಳಿ ಪಂಚಾಯಿತಿಯನ್ನು ಪ್ರಶಸ್ತಿಗೆ ಆಯ್ಕೆ ಮಾಡಿದೆ.

ವಸ್ತು ಸ್ಥಿತಿ ಪರಿಶೀಲಿಸಲು ಕೇಂದ್ರದ ತಂಡ ಕೋಡಿಹಳ್ಳಿಗೆ ಭೇಟಿ ನೀಡಿದ್ದು, ಈ ತಂಡ ಸಲ್ಲಿಸುವ ವರದಿ ಆಧರಿಸಿ ದೆಹಲಿಯಲ್ಲಿ ಪ್ರಶಸ್ತಿ ವಿತರಿಸಲು ಉದ್ದೇಶಿಸಲಾಗಿದೆ.

ತಾ.ಪಂ. ಕಾರ್ಯನಿವಾಹಕ ಅಧಿಕಾರಿ ಶಿವರಾಂ, ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಕೃಷ್ಣಮೂರ್ತಿ ಸೇರಿದಂತೆ ಆಧ್ಯಯನ ತಂಡದ ಸದಸ್ಯರು ಹಾಜರಿದ್ದರು.