ಸತತ ಸುರಿದ ಆಲಿಕಲ್ಲು ಮಳೆಗೆ ವಾಲಿದ ವಿದ್ಯುತ್‌ ಕಂಬಗಳು

ಮರಳವಾಡಿ: ಹೋಬಳಿಯಲ್ಲಿಎರಡು-ಮೂರು ದಿನಗಳಿಂದ ಸತತವಾಗಿ ಸುರಿದ ಮಳೆಯಿಂದ ಹೋಬಳಿಯ ಹಲವು ಕಡೆ ವಿದ್ಯುತ್‌ ಕಂಬಗಳು ಧರೆಗೆ ಉರುಳಿದ್ದು, ಕೆಲವೆಡೆ ವಾಲಿವೆ. ಹೀಗಾಗಿ ವಿದ್ಯುತ್‌ ಸಂಪರ್ಕ ಸ್ಥಗಿತಗೊಂಡಿದ್ದು, ಬೆಸ್ಕಾಂ ಸಿಬ್ಬಂದಿಗೆ ಕಂಬಗಳನ್ನು ಸರಿಪಡಿಸುವುದು ದೊಡ್ಡ ಸವಾಲಾಗಿದೆ. ಯಾವುದೇ ಅನಾಹುತ ಸಂಭವಿಸಿಲ್ಲ.

ಸಂಜೆ ಆಲಿಕಲ್ಲುಮಳೆ: ಬಹಳ ದಿನಗಳ ನಂತರ ಆಲಿಕಲ್ಲುಮಳೆಬಿದ್ದಿದ್ದು, ರೈತರ ಮೊಗದಲ್ಲಿಸಂತಸ ಮೂಡಿದೆ. ಬೆಳೆಗಳಿಗೆ ಸಹಾಯವಾಗಲಿದೆ ಎಂದು ನಿಟ್ಟಿಸಿರು ಬಿಡುವಂತಾಗಿದೆ. ಅಂತರ್ಜಲ ಮಟ್ಟದಲ್ಲಿಕೊಂಚ ಏರಿಕೆಯಾದುವ ಸಾಧ್ಯತೆಯಿದ್ದು, ಬೇಸಿಗೆಯಲ್ಲಿಕುಡಿಯುವ ನೀರಿನ ಸಮಸ್ಯೆ ಸ್ವಲ್ಪ ಮಟ್ಟಿಗೆ ನೀಗಲಿದೆ ಎಂಬುದು ಸಾರ್ವಜನಿಕರ ಅಭಿಪ್ರಾಯವಾಗಿದೆ.

ತುಂಬಿದ ಕೆರೆಕಟ್ಟೆಗಳ ಒಡಲು: 2-3 ದಿನಗಳಲ್ಲಿಚೆನ್ನಾಗಿ ಮಳೆಯಾಗಿದ್ದು, ಕೆರೆಕಟ್ಟೆಗಳ ಒಡಲು ಸ್ವಲ್ಪ ಮಟ್ಟಿಗೆ ಭರ್ತಿಯಾಗಿರುವುದು ಸಂತಸವನ್ನುಂಟುಮಾಡಿದೆ.