'ಹಿಡಿಯೋದಂತು ಗ್ಯಾರಂಟಿ'..! ಹೊಸ ವರ್ಷದ 'ಕಿಕ್' ಇಳಿಸಿದೆ ಪೊಲೀಸರ ಟ್ವಿಟ್ಟರ್ ವಾರ್ನಿಂಗ್..!

ರಾಮನಗರ: ಹೊಸ ವರ್ಷ ಬರಮಾಡಿಕೊಳ್ಳಲು ಜೋರು ಪಾರ್ಟಿ ಮಾಡುವ ಯೋಜನೆ ಮಾಡಿದ್ದೀರಾ? ಹಾಗಾದರೆ ಮೈಸೂರು ರಸ್ತೆ ಕಡೆ ಕಣ್ಣೆತ್ತಿಯೂ ನೋಡಬೇಡಿ..! ರಾಮನಗರ ಜಿಲ್ಲೆಯಲ್ಲಿ ನ್ಯೂ ಇಯರ್ ಪಾರ್ಟಿ ಪ್ಲಾನ್ ಮಾಡಿದ್ರೆ, ಅದನ್ನು ಅರ್ಧಕ್ಕೇ ಕೈಬಿಡೋದು ಒಳ್ಳೆಯದು..!

ಹೌದು.. ನಿಮಗೆ ಆಶ್ಚರ್ಯವಾದರು ಸತ್ಯ.. ಹೊಸ ವರ್ಷದ ಸಂಭ್ರಮಾಚರಣೆಯಲ್ಲಿ ಕುಡಿದು ವಾಹನ ಚಾಲಾಯಿಸುವವರ ಮೇಲೆ ಜಿಲ್ಲಾ ಪೊಲೀಸರು ಹದ್ದಿನ ಕಣ್ಣಿಡಲಿದ್ದಾರೆ. ಇದಕ್ಕಾಗಿ ಪೊಲೀಸರು ಟ್ವಿಟ್ಟರ್‌ನಲ್ಲಿ 'ಹಿಡಿಯೋದು ಗ್ಯಾರಂಟಿ’ ಎಂದು 'ಪಕ್ಷಿ' ಕೂಡ ಕೂಗಿಸಿದ್ದಾರೆ. ಆ ಮೂಲಕ ಹೊಸ ವರ್ಷದ ಮೊದಲ ದಿನವಾಗಲೀ ಅಥವಾ ಸಾಮಾನ್ಯ ದಿನವಾಗಿರಲಿ ನಮ್ಮ ಕರ್ತವ್ಯವನ್ನು ನಾವು ಮಾಡಿಯೇ ತೀರುತ್ತೇವೆ ಎಂಬುದಾಗಿ ಜನತೆಗೆ ಎಚ್ಚರಿಕೆ ಸಂದೇಶ ರವಾನಿಸಿದ್ದಾರೆ.

‘ಮದ್ಯ’ರಾತ್ರಿ ಕಿಕ್‌ ಇಳಿಸಲಿದೆ ‘ದಂಡ’!

ಹೊಸ ವರ್ಷದ ಆಚರಣೆಗೆ ಕ್ಷಣಗಣನೆ ಆರಂಭವಾಗಿದೆ. ಯುವ ಸಮೂಹ ನೂತನ ವರ್ಷವನ್ನು ಬರ ಮಾಡಿಕೊಳ್ಳಲು ಸಕಲ ಸಿದ್ಧತೆ ಕೈಗೊಂಡಿದ್ದರೆ, ಪೊಲೀಸರ ಎಚ್ಚರಿಕೆ ಸಂದೇಶ ಆಘಾತವನ್ನುಂಟು ಮಾಡುತ್ತಿದೆ.

ನ್ಯೂ ಇಯರ್ ಪಾರ್ಟಿ ವೇಳೆ ಹುಷಾರ್..! ಈ 12 ಮುನ್ನೆಚ್ಚರಿಕೆ ಮರೆಯಲೇಬೇಡಿ..!

ಈ ರೀತಿ ಬರೆಯಲಾಗಿದೆ: ಹೊಸ ವರ್ಷದ ಸಂಭ್ರಮದಲ್ಲಿ ಮದ್ಯ ಸೇವಿಸಿ ವಾಹನ ಚಲಾಯಿಸಬೇಡಿ ಒನ್‌ಲೈನ್‌ ಟ್ಯಾಗ್‌ ಮಾಡಿರುವ ಪೊಲೀಸರು, ಒಂದು ವಾಕ್ಯದಲ್ಲೇ ಎಚ್ಚರಿಕೆ ಹಾಗೂ ಜನತೆಯಲ್ಲಿ ಮನವಿ ಮಾಡಿಕೊಂಡಿದ್ದಾರೆ.


ಪೊಲೀಸರ ಈ ಎಚ್ಚರಿಕೆ ಮದ್ಯದ ಅಂಗಡಿ ಮಾಲೀಕರ ನಿದ್ದೆಗೆಡಿಸಿರುವುದಂತೂ ಸುಳ್ಳಲ್ಲ. ಇನ್ನು ಯುವಕರು ಮದ್ಯ ಸೇವನೆಗೂ ಮುಂಚೆ ಸಾಕಷ್ಟು ಬಾರಿ ಯೋಚಿಸಬೇಕಾದ ಪರಿಸ್ಥಿತಿಯನ್ನು ಪೊಲೀಸರು ತಂದಿಟ್ಟಿದ್ದಾರೆ.

ನ್ಯೂ ಇಯರ್‌ ಪಾರ್ಟಿಗಾಗಿ ದಾರಿಹೋಕನ ಕೊಲೆ!