ಬಾಲಕಿ ಮೇಲೆ ಅತ್ಯಾಚಾರಕ್ಕೆ ಯತ್ನ, ಸಾರ್ವಜನಿಕರಿಂದ ಗೂಸಾ, ಪೊಲೀಸರ ವಶಕ್ಕೆ

ಬಾಲಕಿ ಮೇಲೆ ಅತ್ಯಾಚಾರಕ್ಕೆ ಯತ್ನ, ಸಾರ್ವಜನಿಕರಿಂದ ಗೂಸಾ, ಪೊಲೀಸರ ವಶಕ್ಕೆ

ಚನ್ನಪಟ್ಟಣ: ಲಾಳಘಟ್ಟದ ಬಳಿಯ ಬೀಡಿ ಕಾಲೊನಿಯಲ್ಲಿ ನಾಲ್ಕು ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರಕ್ಕೆ ಯತ್ನ ನಡೆಸಿದ, ಯುವಕನನ್ನು ಸಾರ್ವಜನಿಕರೇ ಹಿಡಿದು ಭರ್ಜರಿ ಗೂಸಾ ನೀಡಿ ಪೊಲೀಸರಿಗೆ ಒಪ್ಪಿಸಿದ್ದಾರೆ.

ಅಪ್ಸನ್‌ (23)ಅತ್ಯಾಚಾರಕ್ಕೆ ಯತ್ನಿಸಿದ ಆರೋಪಿ. ಬೀಡಿ ಕಾಲೊನಿಯ ಇಮ್ಜಾದ್‌ ಎಂಬುವರ ಮಗನಾದ ಈತ ತನ್ನ ನಿವಾಸದ ಬಳಿಯಿರುವ ಆಟೋ ಚಾಲಕನ ಮನೆಯಿಂದ ನಾಲ್ಕು ವರ್ಷದ ಮಗಳನ್ನು ಚಾಕೊಲೇಟ್‌ ಕೊಡುವ ನೆಪದಲ್ಲಿ ತನ್ನ ಮನೆಗೆ ಕರೆದುಕೊಂಡು ಹೋಗಿ ಈ ಕೃತ್ಯವೆಸಗಲು ಮುಂದಾಗಿದ್ದ ಎಂದು ಗಂಭೀರವಾಗಿ ಆರೋಪಿಸಲಾಗಿದೆ.

ತನ್ನ ಮನೆಗೆ ಬಾಗಿಲು ಹಾಕಿಕೊಂಡು ಈ ರೀತಿಯ ಕೃತ್ಯಕ್ಕೆ ಮುಂದಾದ ಸಂದರ್ಭದಲ್ಲಿ ಬಾಲಕಿಯನ್ನ ಆತ ಮನೆಗೆ ಕರೆದುಕೊಂಡು ಹೋಗುವುದರ ಮಾಹಿತಿ ಪಡೆದ ಸಾರ್ವಜನಿಕರು ಬಾಗಿಲು ಒಡೆದು ಆತನನ್ನು ಹಿಡಿದು ಚೆನ್ನಾಗಿ ಥಳಿಸಿದ್ದಾರೆ. ನಂತರ ಬಾಲಕಿಗೆ ದೈಹಿಕವಾಗಿ ಹಿಂಸೆ ನೀಡಿರುವುದರ ಬಗ್ಗೆ ತಮ್ಮ ಪೋಷಕರ ಬಳಿ ಬಾಲಕಿ ವಿವರಿಸಿದ್ದಾಳೆ ಎನ್ನಲಾಗಿದೆ. ಈ ಪ್ರಕರಣದ ಬಗ್ಗೆ ಪೂರ್ವ ಪೊಲೀಸ್‌ ಠಾಣೆಯಲ್ಲಿ ಬಾಲಕಿಯ ಪೋಷಕರು ದೂರು ದಾಖಲಿಸಿದ್ದಾರೆ. ಆರೋಪಿಯನ್ನು ವಶಕ್ಕೆ ಪಡೆದು ದೂರು ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ.