ಇಂದು ಕರೆಂಟ್‌ ಇರಲ್ಲ

ರಾಮನಗರ: ಬೆಸ್ಕಾಂ ವತಿಯಿಂದ ಚನ್ನಪಟ್ಟಣ ನಗರ ಉಪ ವಿಭಾಗದ ಕಾರ್ಯ ಮತ್ತು ಪಾಲನಾ ಘಟಕ-01ರ ವ್ಯಾಪ್ತಿಯಲ್ಲಿರುವ ಎಫ್‌-07 ಎಸ್‌ಎಸ್‌ ಮಿಲ್‌ ಮಾರ್ಗದಲ್ಲಿ ಇಂದು ವಿದ್ಯುತ್‌ ವ್ಯತ್ಯಯವಾಗಲಿದೆ.

ಮಂಗಳವಾರ ಪೇಟೆ, ಕುವೆಂಪುನಗರ, ಬಿ.ಎಂ. ರಸ್ತೆಯಲ್ಲಿ ಐಪಿಡಿಎಸ್‌ ಯೋಜನೆಯಲ್ಲಿ ಹೊಸದಾಗಿ ಭೂಗತ ಕೇಬಲ್‌ ಅಳವಡಿಸಿ ಚಾಲನೆ ಮಾಡುವ ಕಾಮಗಾರಿ ನಡೆಯಲಿರುವ ಹಿನ್ನೆಲೆಯಲ್ಲಿ ಬೆಳಗ್ಗೆ 10 ರಿಂದ ಸಂಜೆ 5 ರವರೆಗೆ ನಗರದ ವಿವಿಧೆಡೆ ವಿದ್ಯುತ್‌ ಕಡಿತಗೊಳ್ಳಲಿದೆ.

ಕೆಎಸ್ಸಾರ್ಟಿಸಿ ಬಸ್‌ ನಿಲ್ದಾಣ, ಚರ್ಚ್‌ ರಸ್ತೆ, ಕೋದಂಡರಾಮ ಬಡಾವಣೆ, ರಾಜಕೆಂಪೇಗೌಡ ಬಡಾವಣೆ, ವಿವೇಕಾನಂದ ನಗರ, ಮಂಜುನಾಥ ನಗರ, ಕುವೆಂಪುನಗರ, ಮಂಗಳವಾರ ಪೇಟೆ, ಚಿಕ್ಕಮಳೂರು, ವಿಶ್ವನಾಥ ಬಡಾವಣೆ, ಅನ್ನಪೂರ್ಣೇಶ್ವರಿ ಬಡಾವಣೆ, ಕೋಟೆ, ಮಾರುತಿ ಬಡಾವಣೆ ಮತ್ತು ಗ್ರಾಮಾಂತರ ವ್ಯಾಪ್ತಿಯ ಎಫ್‌-18 ಗೋಂದಹಳ್ಳಿ ಮಾರ್ಗದ ಬೈರಾಪಟ್ಟಣ, ಮತ್ತಿಕೆರೆ, ಶೆಟ್ಟಿಹಳ್ಳಿ, ಬೆಳಕೆರೆ, ಮುದಗೆರೆ, ಗೋವಿಂದಹಳ್ಳಿ, ಕುಕ್ಕೂರು ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿದ್ಯುತ್‌ ಸರಬರಾಜುನಲ್ಲಿ ವ್ಯತ್ಯಯವಾಗಲಿದೆ ಎಂದು ಚನ್ನಪಟ್ಟಣ ನಗರ ಉಪಭಾಗದ ಬೆಸ್ಕಾಂನ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್‌ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.