ಚಿಕ್ಕದೇವರಹಳ್ಳಿಯಲ್ಲಿ 28 ಕುರಿ ಕಳ್ಳತನ: ಬೀದಿಗೆ ಬಿದ್ದ ಬಡ ಕುರಿಗಾಹಿ ಕುಟುಂಬ!

ಹಾರೋಹಳ್ಳಿ: ಎರಡು ಕುರಿಗಾಹಿ ಕುಟುಂಬಗಳು ಸಾಕಿದ್ದ 28 ಕುರಿಗಳನ್ನು ಕಳ್ಳರ ತಂಡವೊಂದು ಕದ್ದಿದೆ. ಜೀವನೋಪಾಯಕ್ಕಾಗಿ ಸಾಕಿದ್ದ ಅಷ್ಟೂ ಕುರಿಗಳನ್ನು ಕಳೆದುಕೊಂಡು ಕುಟುಂಬಗಳು ಬೀದಿ ಪಾಲಾಗಿವೆ.

ಕನಕಪುರ ತಾಲೂಕಿನ ಮರಳವಾಡಿ ಹೋಬಳಿಯ ಚಿಕ್ಕದೇವರಹಳ್ಳಿ ಗ್ರಾಮದ ಸಿದ್ದಯ್ಯ ಹಾಗೂ ಟಿ.ಹೊಸಳ್ಳಿ ಗ್ರಾಮದ ವಿಜಯ್‌ ಅವರ ಕುಟುಂಬಗಳು ಸಾಕಿದ್ದ ಕುರಿಗಳನ್ನು ಕಳ್ಳರು ಹೊತ್ತೊಯ್ದಿದ್ದಾರೆ.
ಚನ್ನಮ್ಮನ ಕಿತ್ತೂರು ಪಟ್ಟಣದ ಶ್ರೀ ಸಾಯಿಬಾಬಾ ದೇವಸ್ಥಾನದಲ್ಲಿ ಕಳವು

ರಾತ್ರಿ ಬೆಳಗಾಗುವುದರೊಳಗೆ ಮಂಗಮಾಯ
ಬುಧವಾರ ರಾತ್ರಿ ಎಲ್ಲರೂ ಮಲಗಿದ್ದಾಗ ಗ್ರಾಮದ ಎಲ್ಲ ಮನೆಗಳ ಚಿಲಕಗಳನ್ನು ಹೊರಗಡೆಯಿಂದ ಲಾಕ್‌ ಮಾಡಿದ ಕಳ್ಳರು, ಸುಮಾರು 1.5 ಲಕ್ಷ ಬೆಲೆಬಾಳುವ ಅಷ್ಟೂ ಕುರಿಗಳನ್ನು ಸಾಗಿಸಿದ್ದಾರೆ.
ಕ್ರೈಮ್‌ ಬ್ರಾಂಚ್‌ ಪೊಲೀಸರೆಂದು ಬಂಗಾರ ದೋಚಿದ ಪ್ರಕರಣ: ಆರೋಪಿಗಳಿಗೆ ನ್ಯಾಯಾಂಗ ಬಂಧನ!

ಮಿತಿಮೀರಿದ ಕಳ್ಳರ ಉಪಟಳ
ಹಾರೋಹಳ್ಳಿ ಮತ್ತು ಮರಳವಾಡಿ ಹೋಬಳಿಯಾದ್ಯಂತ ಕಳ್ಳರ ಉಪಟಳ ಹೆಚ್ಚಿದ್ದು, ಕುರಿ, ಕೋಳಿಗಳ ಕಳ್ಳತನ ಮಾಮೂಲಿಯಾಗಿದೆ. ಪೊಲೀಸರು ಎಷ್ಟೇ ಪ್ರಯತ್ನಪಟ್ಟರೂ ಕಳ್ಳತನ ನಿಯಂತ್ರಿಸಲು ಸಾಧ್ಯವಾಗಿಲ್ಲ. ಕಳ್ಳರ ಕುರಿತು ಸುಳಿವು ಸಿಕ್ಕವರು ಪೊಲೀಸರಿಗೆ ತಿಳಿಸುವಂತೆ ಅಧಿಕಾರಿಗಳು ಮನವಿ ಮಾಡಿದ್ದಾರೆ.