ಜಿಲ್ಲೆಯಲ್ಲಿ ಮುವತ್ತೆರಡು ಪಿಂಕ್‌ ಮತಗಟ್ಟೆ

ರಾಮನಗರ: ಚುನಾವಣಾ ಆಯೋಗದ ಆದೇಶದಂತೆ ನಾಲ್ಕು ವಿಧಾನಸಭಾ ಕ್ಷೇತ್ರಗಳಲ್ಲಿ ಮಹಿಳಾ ಮತದಾರರು ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸುವಂತೆ ಮಾಡಲು ಜಿಲ್ಲೆಯಾದ್ಯಂತ 32 ಪಿಂಕ್‌ ಮತಗಟ್ಟೆಗಳನ್ನು ಸ್ಥಾಪಿಸಲಾಗಿದೆ.

ಒಟ್ಟು ಮತದಾರರಲ್ಲಿ ಶೇ.50ರ ಆಸುಪಾಸಿನಲ್ಲಿ ಮಹಿಳಾ ಮತದಾರರಿದ್ದರೆ. ಅಂತಹ ಕೇಂದ್ರದಲ್ಲಿ ಪ್ರತ್ಯೇಕ ಪಿಂಕ್‌ ಮತಗಟ್ಟೆಗಳನ್ನು ಆರಂಭಿಸಲಾಗುತ್ತಿದೆ. ಈ ಕೇಂದ್ರಗಳಲ್ಲಿ ಚುನಾವಣಾಧಿಕಾರಿ, ಮತಗಟ್ಟೆ ಅಧಿಕಾರಿ, ಚುನಾವಣಾ ಸಿಬ್ಬಂದಿ ಹಾಗೂ ಭದ್ರತಾ ಸಿಬ್ಬಂದಿ ಸೇರಿದಂತೆ ಎಲ್ಲರು ಮಹಿಳೆಯರೇ ಆಗಿರುತ್ತಾರೆ.

ಎಲ್ಲೆಲ್ಲಿ ಮತಟ್ಟೆ..?: ರಾಮನಗರ ವಿಧಾನಸಭಾ ವ್ಯಾಪ್ತಿಯಲ್ಲಿ 10, ಚನ್ನಪಟ್ಟಣ ವಿಧಾನಸಭಾ ವ್ಯಾಪ್ತಿಯಲ್ಲಿ- 10, ಕನಕಪುರ ವಿಧಾನಸಭಾ ವ್ಯಾಪ್ತಿಯಲ್ಲಿ 10 ಮತ್ತು ಮಾಗಡಿ ವಿಧಾನಸಭಾ ಕ್ಷೇತ್ರದಲ್ಲಿ ಮಾಗಡಿ ಪುರಸಭೆ ವ್ಯಾಪ್ತಿಯ 2 ಮತಗಟ್ಟೆಗಳು ಸೇರಿದಂತೆ ಒಟ್ಟು 32 ಪಿಂಕ್‌ ಮತಗಟ್ಟೆಗಳನ್ನು ಸ್ಥಾಪಿಸಲಾಗುತ್ತಿದೆ. ಯಾವುದೇ ಮುಜುಗರ, ಭಯ ಇಲ್ಲದೆ ನಿರ್ಭೀತಿಯಿಂದ ಹೆಚ್ಚಿನ ಮಹಿಳಾ ಮತದಾರರು ಮತಗಟ್ಟೆಗೆ ಬಂದು ಮತ ಚಲಾಯಿಸಬೇಕು ಎನ್ನುವ ದೃಷ್ಟಿಯಿಂದ ಚುನಾವಣಾ ಆಯೋಗ ಇದೇ ಪ್ರಥಮ ಬಾರಿಗೆ ಪಿಂಕ್‌ ಮತಗಟ್ಟೆಗಳನ್ನು ಮಾಡಿದೆ.

ರಾಮನಗರ : ಸರಕಾರಿ ಬಾಲಕರ ಪ್ರೌಢಶಾಲೆ, ಕ್ಷೇತ್ರ ಶಿಕ್ಷ ಣಾಧಿಕಾರಿ ಕಚೇರಿ ಬಳಿ ಇರುವ ಸರಕಾರಿ ಮಾಧ್ಯಮಿಕ ಶಾಲೆ, ಯಾರಬ್‌ ನಗರದ ಮರಿಯಮ್ಮ ಇಂಗ್ಲಿಷ್‌ ಶಾಲೆ, ಹನುಮಂತ ನಗರದ ಸರಕಾರಿ ಪ್ರಾಥಮಿಕ ಶಾಲೆ, ರೇಹಮಾನಿಯ ನಗರದ ಮರಿಯಮ್ಮ ಇಂಗ್ಲಿಷ್‌ ಶಾಲೆ, ಸರಕಾರಿ ಹೈಯರ್‌ ಪ್ರಾಥಮಿಕ ಶಾಲೆ, ಐಜೂರಿನ ವಾಟರ್‌ ಟ್ಯಾಂಕ್‌ ಬಳಿ ಇರುವ ಸರಕಾರಿ ಹೈಯರ್‌ ಪ್ರಾಥಮಿಕ ಶಾಲೆ, ಮಲ್ಲೇಶ್ವರಂ ನ ಮೂರಾರ್ಜಿ ದೇಸಾಯಿ ರೆಸಿಡೆನ್ಸಿಯಲ್‌ ಶಾಲೆ, ಅರ್ಚಕರಹಳ್ಳಿ ಸರಕಾರಿ ಪ್ರಾಥಮಿಕ ಶಾಲೆಗಳಾಗಿವೆ.

ಕನಕಪುರ: ಕ್ಷೇತ್ರ ಶಿಕ್ಷ ಣಾಧಿಕಾರಿ ಬಳಿಯ ಸರಕಾರಿ ಬಾಲಕಿಯರ ಉರ್ದು ಪ್ರಾಥಮಿಕ ಶಾಲೆ, ನೀಲಕಂಠೇಶ್ವರ ಶಾಲೆ, ಅಜೀಜ್‌ ನಗರದ ಗಂಗೋತ್ರಿ ಹೈಯರ್‌ ಪ್ರಾಥಮಿಕ ಶಾಲೆ, ಪಿಡಬ್ಲೂ ಕ್ವಾಟ್ರಸ್‌ ಬಳಿಯ ಮಾನಸ ಹೈಯರ್‌ ಪ್ರಾಥಮಿಕ ಶಾಲೆ, ಕೋಟೆಯ ಹಂಸವಾಹಿನಿ ಶಿಶು ವಿಹಾರ ಕೇಂದ್ರ, ಸರಕಾರಿ ಉಪಕರಣ ತರಬೇತಿ ಕೇಂದ್ರ, ಸರಕಾರಿ ಹೈಯರ್‌ ಪ್ರಾಥಮಿಕ ಶಾಲೆ, ಹೊಸದೊಡ್ಡಿಯ ಸರಕಾರಿ ಪ್ರಾಥಮಿಕ ಶಾಲೆ, ಗೋಪಸಂದ್ರದ ಲೋವರ್‌ ಪ್ರಾಥಮಿಕ ಶಾಲೆ,

ಚನ್ನಪಟ್ಟಣ: ಸೆಂಟ್‌ ಜೋಸೆಪ್‌ ಹೈಯರ್‌ ಪ್ರಾಥಮಿಕ ಶಾಲೆ, ಸೆಂಟ್‌ ಜೋಸೇಪ್‌ ಹೈಯರ್‌ ಪ್ರಾಥಮಿಕ ಶಾಲೆ-2, ಸೆಂಟ್‌ ಜೋಸೆಪ್‌ ಹೈಯರ್‌ ಪ್ರಾಥಮಿಕ ಶಾಲೆ-3, ಸರಕಾರಿ ಉರ್ದು ಹೈಯರ್‌ ಪ್ರಾಥಮಿಕ ಶಾಲೆ ಬಿಎಂ.ರಸ್ತೆ, ಸರಕಾರಿ ಉರ್ದು ಹೈಯರ್‌ ಪ್ರಾಥಮಿಕ ಶಾಲೆ-2 ಬಿಎಂ.ರಸ್ತೆ, ಹಳೆಯ ಮುನ್ಸಿಫಲ್‌ ಆಫೀಸ್‌ ಬಳಿಯ ಮತದಾನ ಕೇಂದ್ರ, ಜೆ.ಸಿ.ರಸ್ತೆಯಲ್ಲಿರುವ ಸಾರ್ವಜನಿಕ ಕಾಂಪೋಸಿಟ್‌ ಜ್ಯೂನಿಯರ್‌ ಕಾಲೇಜ್‌-1 , ಜೆ.ಸಿ.ರಸ್ತೆಯಲ್ಲಿರುವ ಸಾರ್ವಜನಿಕ ಕಾಂಪೋಸಿಟ್‌ ಜ್ಯೂನಿಯರ್‌ ಕಾಲೇಜ್‌-2, ಸಾಹುಕಾರ್‌ ರಸ್ತೆಯಲ್ಲಿರುವ ಸೆಂಟ್‌ ಮೈಕಲ್‌ ಇಂಗ್ಲೀಷ್‌ ಶಾಲೆ-1, ಸಾಹುಕಾರ್‌ ರಸ್ತೆಯಲ್ಲಿರುವ ಸೆಂಟ್‌ ಮೈಕಲ್‌ ಇಂಗ್ಲೀಷ್‌ ಶಾಲೆ-2, ಮಾಗಡಿ ವಿಧಾನಸಭಾ ಕ್ಷೇತ್ರದಲ್ಲಿ ಮುನ್ಸಿಫಲ್‌ ಆಫೀಸ್‌ ಬಳಿ ಇರುವ ಎರಡು ಮತಗಟ್ಟೆಗಳಲ್ಲಿ ಪಿಂಕ್‌ ಮತಗಟ್ಟೆಗಳನ್ನು ಮಾಡಲಾಗಿದೆ.