​ಬೆಳ್ಳಂದೂರಿಗಿಂತ ವೃಷಭಾವತಿ ನದಿಯ ನೊರೆ ಹಾವಳಿ ಅಧಿಕ, ಶುದ್ಧೀಕರಣ ಮಾಡಬೇಕಿದೆ: ಸಿಎಂ

ರಾಮನಗರ: ಬೆಳ್ಳಂದೂರು ಕೆರೆಯ ನೊರೆಗಿಂತ ಭೈರಮಂಗಲದ ವೃಷಭಾವತಿ ನದಿಯ ನೊರೆ ಹಾವಳಿ ಅಧಿಕವಾಗಿದ್ದು, ಶುದ್ಧೀಕರಣ ಮಾಡಬೇಕಿದೆ ಎಂದು ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಹೇಳಿದರು.

ನಗರದಲ್ಲಿ ಮಾತನಾಡಿದ ಅವರು, ನೊರೆಯುಕ್ತ ನೀರಿನಿಂದಲೇ ಕೃಷಿ ಮಾಡುವುದರಿಂದ ಅನಾರೋಗ್ಯ ಸಮಸ್ಯೆ ಕಾಡುತ್ತದೆ. ಭೈರಮಂಗಲ ಕೆರೆಯ ನೀರಿಗೆ ಟ್ರೀಟ್‌ಮೆಂಟ್ ಪ್ಲಾಂಟ್ ನಿರ್ಮಿಸಿ ಶುದ್ಧೀಕರಣ ಮಾಡುತ್ತೇವೆ ಎಂದು ಭರವಸೆ ನೀಡಿದರು.

ಸಾಧ್ಯವಾದಷ್ಟು ಬೇಗ ಜನರ ಕಷ್ಟಗಳಿಗೆ ಸ್ಪಂದಿಸಿ. ಬೇಜವಾಬ್ದಾರಿ ವರ್ತನೆ ತೋರಿ ನನ್ನನ್ನು ಕೆಟ್ಟವನನ್ನಾಗಿ ಮಾಡಬೇಡಿ ಎಂದು ಕಂದಾಯ ಅಧಿಕಾರಿಗಳಿಗೆ ಸೂಚನೆ ನೀಡಿದರು. ಸಾರ್ವಜನಿಕ ಅರ್ಜಿಗಳನ್ನು ಬೇಗ ವಿಲೇವಾರಿ ಮಾಡದಿದ್ದರೇ, ಸೇವೆಯಿಂದ ವಜಾಗೊಳಿಸುತ್ತೇವೆ ಎಂದು ಸಿಎ ಎಚ್ಚರಿಕೆ ನೀಡಿದರು.