ಜೆಎನ್‌ಎನ್‌ಇಸಿ ಶಿವಮೊಗ್ಗ, ಬಿಎಂಎಸ್ ಬೆಂಗಳೂರು ಫೈನಲ್‌ಗೆ ಲಗ್ಗೆ

ಶಿವಮೊಗ್ಗ : ಜೆಎನ್‌ಎನ್‌ಸಿಇ ಶಿವಮೊಗ್ಗ ಹಾಗೂ ಬಿಎಂಎಸ್ ಬೆಂಗಳೂರು ಮಹಿಳೆಯರ ತಂಡಗಳು ವಿಟಿಯು ಅಂತರ ವಲಯದ ಪುರುಷರ ಮತ್ತು ಮಹಿಳೆಯರ ಹ್ಯಾಂಡ್‌ಬಾಲ್ ಪಂದ್ಯಾವಳಿಯಲ್ಲಿ ಫೈನಲ್ ಪ್ರವೇಶಿಸಿವೆ.

ನಗರದ ಜವಹರಲಾಲ್ ನೆಹರು ತಾಂತ್ರಿಕ ಮಹಾವಿದ್ಯಾಲಯದ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಸೆಮಿಫೈನಲ್‌ನಲ್ಲಿ ಜೆಎನ್‌ಎನ್‌ಸಿಇ ಶಿವಮೊಗ್ಗವು ಆಚಾರ‌್ಯ ಬೆಂಗಳೂರು ತಂಡವನ್ನು ಹಾಗೂ ಬಿಎಂಎಸ್ ಬೆಂಗಳೂರು ತಂಡವು ಎಟಿಇಎಂಇ ಮೈಸೂರು ತಂಡವನ್ನು ಮಣಿಸಿ ಫೈನಲ್‌ಗೆ ಲಗ್ಗೆ ಇಟ್ಟವು. ಶನಿವಾರ ನಡೆಯುವ ಫೈನಲ್ ಪಂದ್ಯದಲ್ಲಿ ಜೆಎನ್‌ಎನ್‌ಸಿಇ ಶಿವಮೊಗ್ಗ ಹಾಗೂ ಬಿಎಂಎಸ್ ಬೆಂಗಳೂರು ತಂಡಗಳು ಮುಖಾಮುಖಿಯಾಗಲಿವೆ.

ಪುರುಷರ ವಿಭಾಗ :
ಜೆಎನ್‌ಎನ್‌ಸಿಇ ಶಿವಮೊಗ್ಗ, ಆರ್‌ವಿಸಿಇ ಬೆಂಗಳೂರು, ಎಂಸಿಇ ಹಾಸನ ಹಾಗೂ ಎನ್‌ಎಂಎಎಂಐಟಿ ನಿಟ್ಟೆ ತಂಡಗಳು ಪುರುಷರ ವಿಭಾಗದಲ್ಲಿ ಸೆಮಿಫೈನಲ್ ಪ್ರವೇಶಿಸಿವೆ.

ಶನಿವಾರ ನಡೆಯುವ ಮೊದಲ ಸೆಮಿಫೈನಲ್‌ನಲ್ಲಿ ಜೆಎನ್‌ಎನ್‌ಸಿಇ ಶಿವಮೊಗ್ಗ ತಂಡವು ಆರ್‌ವಿಸಿಇ ಬೆಂಗಳೂರು ತಂಡವನ್ನು ಹಾಗೂ ದ್ವಿತೀಯ ಸೆಮಿಫೈನಲ್‌ನಲ್ಲಿ ಎಂಸಿಇ ಹಾಸನ ತಂಡವು ಎನ್‌ಎಂಎಎಂಐಟಿ ನಿಟ್ಟೆ ತಂಡದ ವಿರುದ್ಧ ಸೆಣಸಲಿವೆ.