ರಿಪ್ಪನ್‌ಪೇಟೆ: ಶ್ರೀಕ್ಷೇತ್ರ ಹೊಂಬುಜದಲ್ಲಿ ಶೃತಪಂಚಮಿ ಮಹೋತ್ಸವವನ್ನು ಡಾ. ಶ್ರೀದೇವೇಂದ್ರಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯವರ್ಯ ಸ್ವಾಮೀಜಿಗಳ ಸಾನ್ನಿಧ್ಯ ಮತ್ತು ಮಾರ್ಗದರ್ಶನದಲ್ಲಿ ಮಂಗಳವಾರ ಸಂಭ್ರಮದಿಂದ ಆಚರಿಸಲಾಯಿತು.
ನಂತರ ಸ್ವಾಮೀಜಿಗಳು ಆಶೀರ್ವಚನ ನೀಡಿ, ಶ್ರುತ ಪಂಚಮಿ ಜಿನವಾಣಿ ಅಕ್ಷ ರ ರೂಪದಲ್ಲಿ ನಮಗೆಲ್ಲ ಪ್ರಾಪ್ತವಾದ ದಿನ. ಈ ಲಿಪಿಬದ್ಧ ಜೈನತತ್ವಗಳ ಗ್ರಂಥಗಳು ಆಗಮ ಎಂಬ ಹೆಸರಿನಲ್ಲಿ ಪಾವಿತ್ರ್ಯತೆ ಗಳಿಸಿದವು. ನಮ್ಮ ಅಜ್ಞಾನ ತೊರೆಯಲು ಆಗಮ ಜ್ಞಾನದಿಂದ ಸಾಧ್ಯವಿದೆ. ಇಂತಹ ಪವಿತ್ರ ಜೈನಾಗಮ ಸಿದ್ಧಗೊಂಡು ಲೋಕಪೂಜಿತಗೊಂಡ ದಿನವೇ ಶ್ರುತ ಪಂಚಮಿ.
ಈ ಸಂಸಾರದಲ್ಲಿ ಪ್ರಸ್ತುತ ಭರತ ಭೂಮಿಯಿಂದ ಮುಕ್ತಿ ಲಭ್ಯವಿಲ್ಲವೆಂದು ಶಾಸ್ತ್ರದಲ್ಲಿ ಹೇಳಿದ್ದರೂ, ಮುಂದಿನ ಸದ್ಗತಿಗೆ ಬೇಕಾಗುವ ಉಪಾಯವನ್ನು ಈ ಆಗಮ ಗ್ರಂಥಗಳು ತಿಳಿಸುತ್ತವೆ ಎಂದರು.
ವ್ರತೋಪದೇಶ-ಅಕ್ಷ ರಾಭ್ಯಾಸ :
ಬೆಳಗ್ಗೆ 8 ಗಂಟೆಗೆ 29 ವಿದ್ಯಾರ್ಥಿ-ವಿದ್ಯಾರ್ಥಿನಿಯರಿಗೆ ವ್ರತೋಪದೇಶ ಹಾಗೂ ಮಧ್ಯಾಹ್ನ 12ಕ್ಕೆ 9 ಮಕ್ಕಳಿಗೆ ಅಕ್ಷ ರಾಭ್ಯಾಸ ನೀಡಲಾಯಿತು. ನಂತರ ಕ್ಷೇತ್ರದ ಬಸದಿಯಲ್ಲಿ ಶ್ರುತಸ್ಕಂಧ ಆರಾಧನೆ, ಸಂಜೆ ಜಿನವಾಣಿಯ ಆರಾಧನೆ ಮಾಡಲಾಯಿತು.
ಶ್ರುತಪಂಚಮಿ ನಿಮಿತ್ತ ನಡೆದ ವ್ರತೋಪದೇಶ ಹಾಗೂ ಅಕ್ಷ ರಾಭ್ಯಾಸ ಕಾರ್ಯಕ್ರಮದಲ್ಲಿ ಜಿಲ್ಲೆ ಮತ್ತು ರಾಜ್ಯದ ವಿವಿಧೆಡೆಯಿಂದ ಭಕ್ತಾದಿಗಳು ಆಗಮಿಸಿದ್ದರು.