ಅತಿಥಿ ಉಪನ್ಯಾಸಕರಿಗೆ 6 ತಿಂಗಳ ಬಳಿಕ ವೇತನ

ಶಿವಮೊಗ್ಗ: ರಾಜ್ಯದ ಪದವಿ ಪೂರ್ವ ಕಾಲೇಜುಗಳ ಅತಿಥಿ ಉಪನ್ಯಾಸಕರು 2019-20ನೇ ಸಾಲಿನ ಶೈಕ್ಷಣಿಕ ವರ್ಷ ಆರಂಭವಾದ ಆರು ತಿಂಗಳ ಬಳಿಕ ಮೊದಲ ನ್ನು ಪಡೆದುಕೊಂಡಿದ್ದಾರೆ.
ವೇತನವಿಲ್ಲದೆ ಸಂಕಷ್ಟದಲ್ಲಿದ್ದ ಅತಿಥಿ ಉಪನ್ಯಾಸಕರಿಗೆ ಪದವ ಪೂರ್ವ ಶಿಕ್ಷಣ ಇಲಾಖೆಯು ಡಿ.10ರಂದು ವೇತನವನ್ನು ಬಿಡುಗಡೆಗೊಳಿಸಿದೆ. ಆದರೆ, ಆರು ತಿಂಗಳ ಬದಲಿಗೆ ಜೂನ್‌ನಿಂದ ಅಕ್ಟೋಬರ್‌ 15ರವರೆಗಿನ ನಾಲ್ಕೂವರೆ ತಿಂಗಳ ವೇತನವನ್ನು ಆಯಾ ಜಿಲ್ಲೆಗಳ ಉಪ ನಿರ್ದೇಶಕರ ಮೂಲಕ ಬಿಡುಗಡೆಗೊಳಿಸಿದೆ. ಅತಿಥಿ ಉಪನ್ಯಾಸಕರು ಆರು ತಿಂಗಳಿಂದ ವೇತನವಿಲ್ಲದೆ ಕುಟುಂಬ ನಿರ್ವಹಣೆಗೆ ಕಷ್ಟಪಡುತ್ತಿದ್ದ ಬಗ್ಗೆ ವಿಜಯ ಕರ್ನಾಟಕ ಡಿ.11ರಂದು 'ಪಿಯು ಅತಿಥಿ ಉಪನ್ಯಾಸಕರ ವೇತನ ಮರೆತ ಸರಕಾರ' ಶೀರ್ಷಿಕೆಯಡಿ ವಿಶೇಷ ವರದಿಯನ್ನು ಪ್ರಕಟಿಸಿತ್ತು. ವರದಿಗೆ ಸ್ಪಂದಿಸಿದ ಸರಕಾರ ಅದೇ ದಿನವೆ ವೇತನವನ್ನು ಬಿಡುಗಡೆಗೊಳಿಸಿದೆ.
ಆದರೆ, ಎರಡು ತಿಂಗಳ ಬೇಸಿಗೆ ರಜೆಯನ್ನು ಹೊರತುಪಡಿಸಿ ಉಳಿದ 10 ತಿಂಗಳ ವೇತನ ನೀಡುವ ಭರವಸೆ ನೀಡಿದ್ದ ಸರಕಾರವು ಅಕ್ಟೋಬರ್‌ನಲ್ಲಿಮಧ್ಯಂತರ ರಜೆ ಹೆಸರಲ್ಲಿ15 ದಿನಗಳ ವೇತನ ಕಡಿತಗೊಳಿಸಿದೆ. ಹೀಗಾಗಿ ನಾಲ್ಕೂವರೆ ತಿಂಗಳ ವೇತನವನ್ನು ಮಾತ್ರ ಬಿಡುಗಡೆಗೊಳಿಸಿದೆ.