29ಕ್ಕೆ ಭಾವಸಾರ ವಧು -ವರರ ಮಹಾ ಸಮಾವೇಶ

ಶಿವಮೊಗ್ಗ: ನಗರದ ಭಾವಸಾರ ಲಗ್ನ ವೇದಿಕೆ ವತಿಯಿಂದ ಸೆ.29ರಂದು ಬೆಳಗ್ಗೆ 9ಕ್ಕೆ ಶುಭಮಂಗಳ ಸಮುದಾಯ ಭವನದಲ್ಲಿಭಾವಸಾರ ವಧು -ವರರ 6ನೇ ಮಹಾ ಸಮಾವೇಶ ನಡೆಯಲಿದೆ.

ಮಹಾಸಮಾವೇಶದಲ್ಲಿರಾಜ್ಯದ ನಾನಾ ಭಾಗದಿಂದ ವಧು, ವರರು ಆಗಮಿಸಲಿದ್ದು, ಶಿವಮೊಗ್ಗ ಭಾವಸಾರ ಸಮಾಜದಲ್ಲಿಆರ್ಥಿಕವಾಗಿ ಹಿಂದುಳಿದ ಹೆಣ್ಣು ಮಕ್ಕಳಿಗೆ ಹಾಗೂ ಪದವೀಧರರಲ್ಲದವರಿಗೆ ಉಚಿತವಾಗಿ ನೋಂದಣಿ ಮಾಡಲಾಗುವುದು ಎಂದು ವೇದಿಕೆ ಕಾರ್ಯದರ್ಶಿ ಶಂಕರರಾವ್‌ ಬೇಂದ್ರೆ ಸೋಮವಾರ ಸುದ್ದಿಗೋಷ್ಠಿಯಲ್ಲಿತಿಳಿಸಿದರು.

ಭಾವಸಾರ ಲಗ್ನವೇದಿಕೆಯಿಂದ ಇಲ್ಲಿಯವರೆಗೆ 5 ಮಹಾ ಸಮಾವೇಶಗಳು ನಡೆದಿದ್ದು, ಸುಮಾರು 1870ಕ್ಕಿಂತ ಹೆಚ್ಚು ದಾಖಲಾತಿ ನಡೆದಿವೆ. ಅದರಲ್ಲಿ918 ಮದುವೆಗಳು ನಡೆದಿವೆ. ಮುಂದಿನ ದಿನಗಳಲ್ಲಿಆರ್ಥಿಕವಾಗಿ ಹಿಂದುಳಿದಿರುವ ವಧು-ವರರ ಉಚಿತ ದಾಖಲೆ ಹಾಗೂ ವಿಚ್ಛೇದಿತರ ಮದುವೆಯ ಪ್ರಯತ್ನಗಳು ನಡೆಯುತ್ತಿವೆ ಎಂದರು. ಗೋಷ್ಠಿಯಲ್ಲಿಪ್ರಮುಖರಾದ ಎಂ.ಆರ್‌.ಸೂರ್ಯಕಾಂತರಾವ್‌, ಎನ್‌.ಟಿ.ನಾರಾಯಣರಾವ್‌, ಬಿ.ಎಸ್‌.ಶಂಕರರಾವ್‌, ಡಿ.ಪಿ.ವಿಶ್ವನಾಥ್‌, ಟಿ.ವಿ.ಸತ್ಯನಾರಾಯಣ, ಡಿ.ಎಂ.ಲಕ್ಷ್ಮೇಕಾಂತ್‌, ಎನ್‌.ಜೆ.ನಟರಾಜ್‌, ಸ್‌.ವಿ.ಮುರುಳೀಧರ ಮತ್ತಿತರರು ಹಾಜರಿದ್ದರು.