ರೈತರಿಗೆ ವಿಶಿಷ್ಟ ಗುರುತು ಸಂಖ್ಯೆ

ಸಾಗರ: ಕೃಷಿ ಇಲಾಖೆಯಿಂದ ವಿವಿಧ ಸೌಲತ್ತುಗಳನ್ನು ಪಡೆಯುವ ರೈತರಿಗೆ ವಿಶಿಷ್ಟ ಗುರುತು ಸಂಖ್ಯೆ ನೀಡುತ್ತಿದ್ದು, ಈ ಸಂಖ್ಯೆಯನ್ನು ಪಡೆಯಲು ರೈತರು ಸೂಕ್ತ ದಾಖಲಾತಿ ಸಲ್ಲಿಸಬೇಕಿದೆ.

ಮುಂಗಾರು ಹಂಗಾಮು ಪ್ರಾರಂಭವಾಗಿರುವುದರಿಂದ ರೈತರಿಗೆ ಅಗತ್ಯವಾದ ಬಿತ್ತನೆಬೀಜ, ಸೂಕ್ಷ ್ಮ ಪೋಷಕಾಂಶಗಳು, ಕೃಷಿ ಸುಣ್ಣ, ಯಂತ್ರೋಪಕರಣಗಳು ಹಾಗೂ ಇಲಾಖೆ ವಿವಿಧ ಯೋಜನೆ ಫಲಾನುಭವಿಗಳು ಆಧಾರ್‌, ಪಹಣಿ ನಕಲು ಹಾಗೂ ಬ್ಯಾಂಕ್‌ ಪಾಸ್‌ಬುಕ್‌ ಸಹಿತ ಇಲಾಖೆಯಲ್ಲಿ ನೋಂದಣಿ ಮಾಡಿಸಿಕೊಳ್ಳಬಹುದು. ಈಗಾಗಲೆ ನೋಂದಣಿ ಆಗಿದ್ದರೆ ಕೇವಲ ಆಧಾರ್‌ ಕಾರ್ಡ್‌ ನೀಡಿ ಅಗತ್ಯ ಸೌಲಭ್ಯ ಪಡೆಯಬಹುದು. ಮಾಹಿತಿಗೆ ಹತ್ತಿರದ ರೈತ ಸಂಪರ್ಕ ಕೇಂದ್ರ ಸಂಪರ್ಕಿಸುವಂತೆ ಸಹಾಯಕ ಕೃಷಿ ಅಧಿಕಾರಿ ಎಸ್‌.ಅಶೋಕ್‌ ತಿಳಿಸಿದ್ದಾರೆ.