ಸಾಧಕರ ಸಾಧನೆ ಕ್ರೀಡೆಗೆ ಸ್ಫೂರ್ತಿ

ಸೊರಬ: ಅಂತಾರಾಷ್ಟ್ರೀಯ ಮಟ್ಟದಲ್ಲಿಗುರುತಿಸಿಕೊಳ್ಳಲು ಕ್ರೀಡೆಗೆ ಮೂಲ ಸವಲತ್ತು ಒದಗಿಸುವ ಅಗತ್ಯವಿದೆ ಎಂದು ತಾಲೂಕು ಪಂಚಾಯಿತಿ ಅಧ್ಯಕ್ಷೆ ನಯನಾ ಶ್ರೀಪಾದ ಹೆಗಡೆ ಹೇಳಿದರು.

ಪಟ್ಟಣದ ಬಂಗಾರಪ್ಪ ಕ್ರೀಡಾಂಗಣದಲ್ಲಿಸಾರ್ವಜನಿಕ ಶಿಕ್ಷಣ ಇಲಾಖೆ ಹಾಗೂ ಪ್ರೌಢಶಾಲೆ ದೈಹಿಕ ಶಿಕ್ಷಣ ಶಿಕ್ಷಕರ ಸಂಘ ಮಂಗಳವಾರ ಹಮ್ಮಿಕೊಂಡ ತಾಲೂಕು ಮಟ್ಟದ 17ವರ್ಷದೊಳಗಿನ ಪ್ರೌಢಶಾಲೆ ಬಾಲಕ-ಬಾಲಕಿಯರ ಕ್ರೀಡಾಕೂಟಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

ಮಕ್ಕಳು ಆರೋಗ್ಯವಾಗಿರಲು ಪೋಷಕರು ಅವರಿಗೆ ದೈಹಿಕ ಕಸರತ್ತು ನಡೆಸುವ ಅಭ್ಯಾಸ ಮಾಡಿಸಬೇಕು. ಆಗ ಕ್ರೀಡೆಯಲ್ಲಿಸಾಧನೆ ಸಾಧ್ಯ. ಶಿಕ್ಷಕರು ಸಾಧಕ ಕ್ರೀಡಾಪಟುಗಳ ಜೀವನ ಪರಿಚಯಿಸಿದರೆ ವಿದ್ಯಾರ್ಥಿಗಳಿಗೆ ಪ್ರೇರಣೆ ಸಿಗುತ್ತದೆ ಎಂದರು. ತಾಲೂಕು ದೈಹಿಕ ಶಿಕ್ಷಕರ ಸಂಘದ ಅಧ್ಯಕ್ಷ ಶಿವಪ್ಪ

ಅಧ್ಯಕ್ಷತೆ ವಹಿಸಿದ್ದರು. ಜಿ.ಪಂ ಸದಸ್ಯ ವಿರೇಶ ಕೊಟಗಿ ಕ್ರೀಡಾ ಜ್ಯೋತಿ ಬೆಳಗಿದರು. ಜಿಪಂ ಸದಸ್ಯೆ ತಾರಾ ಧ್ವಜಾರೋಹಣ ನೆರವೇರಿಸಿದರು. ತಾ.ಪಂ. ಸದಸ್ಯ ನಾಗರಾಜ ಚಿಕ್ಕಸವಿ, ಬಿಇಒ ಕೆ.ಮಂಜುನಾಥ, ತಾಲೂಕು ನೌಕರ ಸಂಘದ ಅಧ್ಯಕ್ಷ ಮಂಜುನಾಥ, ಶ್ರೀದೇವಿ, ನಿಂಗರಾಜ ಒಡೆಯರ್‌, ಯಂಕ್ಯಾನಾಯ್‌್ಕ, ಉಮೇಶ, ಶ್ರೀನಿವಾಸ, ಕವನಾ ಇತರರಿದ್ದರು.