ಅಡಕೆ, ಶುಂಠಿ ಗದ್ದೆಗಳು ಜಲಾವೃತ

ತ್ಯಾಗರ್ತಿ: ಭಾರೀ ಮಳೆಯಿಂದಾಗಿ ತ್ಯಾಗರ್ತಿ, ಗೌತಮಪುರ, ಕಣ್ಣೂರು, ಹಿರೇಬಿಲಗುಂಜಿ, ಕೋಟೆಕೊಪ್ಪ, ಸಂಪಳ್ಳಿ ಭಾಗಗಳಲ್ಲಿ ಭತ್ತದ ಗದ್ದೆ, ಅಡಕೆತೋಟ, ಜೋಳ ಹಾಗೂ ಶುಂಠಿ ಗದ್ದೆಗಳು ಜಲಾವೃತವಾಗಿದೆ. ಸುಮಾರು ಎರಡು ಸಾವಿರ ಎಕರೆಗಳಿಗೂ ಹೆಚ್ಚು ಜಮೀನು ನೀರಿನಿಂದ ಮುಳುಗಿದ್ದು, ಅಪಾರ ಪ್ರಮಾಣದ ಹಾನಿ ಸಂಭವಿಸಿದೆ.

ಎಪಿಎಂಸಿ ಸದಸ್ಯ ಚೇತನ್‌ರಾಜ್‌ ಕಣ್ಣೂರು ಹಾಗೂ ತಾ.ಪಂ ಸದಸ್ಯ ರಘುಪತಿಭಟ್‌, ದೇವೇಂದ್ರ, ಕಂದಾಯ ಅಧಿಕಾರಿಗಳು ನೆರೆಪೀಡಿತ ಪ್ರದೇಶಗಳಿಗೆ ಭೇಟಿ ನೀಡಿದ್ದರು.

ರೈತರು ನೆರೆ ಪರಿಹಾರಕ್ಕೆ ತಾಲೂಕು ಹಾಗೂ ನಾಡ ಕಚೇರಿಯಲ್ಲಿ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದ್ದು, ಆರ್‌ಟಿಸಿ, ಆಧಾರ್‌ಕಾರ್ಡ್‌, ಬ್ಯಾಂಕ್‌ ಪಾಸ್‌ಬುಕ್‌ ಪ್ರತಿಗಳೊಂದಿಗೆ ಅರ್ಜಿ ಸಲ್ಲಿಸಬೇಕು ಎಂದು ಎಪಿಎಂಸಿ ಸದಸ್ಯ ಚೇತನ್‌ರಾಜ್‌ ಕಣ್ಣೂರು ತಿಳಿಸಿದ್ದಾರೆ.