ಸಾವಯವ ಗೊಬ್ಬರ ಬಳಕೆಗೆ ಸಲಹೆ

ಹೊಳೆಹೊನ್ನೂರು: ಕೃಷಿಯಲ್ಲಿಸಾವಯವ ಗೊಬ್ಬರ ಬಳಸುವುದರಿಂದ ಮಣ್ಣಿನ ಫಲವತ್ತತೆ ಹಾಗೂ ಅಧಿಕ ಇಳುವರಿ ಪಡೆಯಲು ಸಹಕಾರ ಆಗುತ್ತದೆ ಎಂದು ಕೃಷಿ ಅಧಿಕಾರಿ ಶಿವಕುಮಾರ್‌ ಹೇಳಿದರು.

ಸಮೀಪದ ಆಗರದಹಳ್ಳಿದಲ್ಲಿಇತ್ತೀಚೆಗೆ ಏರ್ಪಡಿಸಿದ್ದ ಸಾವಯವ ಕೃಷಿ ಕ್ಷೇತ್ರೋತ್ಸವದಲ್ಲಿಅವರು ಮಾತನಾಡಿದರು.

ರೈತರು ತಮ್ಮ ತೋಟದ ಬೆಳೆಗಳಿಗೆ ಸಾವಯವ ಗೊಬ್ಬರ ಬಳಸಬೇಕು. ಇದರಿಂದ ಪ್ರಮುಖವಾಗಿ ಅಡಕೆ ಬೆಳೆಯಲ್ಲಿಅರಳು ಉದುರುವುದು ಕಡಿಮೆ ಆಗುತ್ತದೆ. ಗಿಡಗಳು ದೀರ್ಘ ಬಾಳಿಕೆ ಬರುತ್ತವೆ. ರಾಸಾಯನಿಕ ಗೊಬ್ಬರಗಳು ಬೆಳೆಗಳ ಮೇಲೆ ದುಷ್ಪರಿಣಾಮ ಬೀರುತ್ತವೆ. ಜತೆಗೆ ಆರೋಗ್ಯಕ್ಕೆ ಹಾನಿಕಾರಕ. ಸಾವಯವ ಗೊಬ್ಬರದಲ್ಲಿಪ್ರಮುಖ ಪೋಷಕಾಂಶ ಸಮ ಪ್ರಮಾಣದಲ್ಲಿದೊರೆಯುತ್ತವೆ ಎಂದರು.

ಸ್ಥಳೀಯ ಶಾಖೆ ಮುಖ್ಯಸ್ಥ ಎ.ಎಂ.ಶೇಖರಪ್ಪ ಮಾತನಾಡಿ, ತೋಟಗಳಿಗೆ ಕಳೆನಾಶಕ ಸಿಂಪಡಣೆ ಮಾಡಬಾರದು. ಕಳೆನಾಶಕ ಬಳಕೆಯಿಂದ ಕಳೆ ನಾಶ ಆಗುವುದರೊಂದಿಗೆ ಬೆಳೆ ಬಹುಬೇಗ ಹಾಳಾಗುತ್ತದೆ ಎಂದರು.

ಸ್ಥಳೀಯ ಪ್ರಗತಿಪರ ರೈತರನ್ನು ಸನ್ಮಾನಿಸಲಾಯಿತು. ಪ್ರಗತಿಪರ ರೈತ ಗೋವಿಂದಸ್ವಾಮಿ, ಮೆರಫುನ್‌, ಸಿಬ್ಬಂದಿ ಮಂಜುನಾಥ್‌, ಶೇಖರಪ್ಪ ಮತ್ತಿತರರು ಹಾಜರಿದ್ದರು.