ಮತ್ತೆ ಮೂವರು ಮಣಿಪಾಲ್‌ ಆಸ್ಪತ್ರೆಗೆ

ಸಾಗರ : ಮಂಗನ ಕಾಯಿಲೆಯಿಂದ ತತ್ತರಿಸಿರುವ ತಾಲೂಕಿನ ಅರಳಗೋಡು ಪ್ರಾಥಮಿಕ ಆರೋಗ್ಯ ಕೇಂದ್ರ ವ್ಯಾಪ್ತಿಯಲ್ಲಿ ಶನಿವಾರ ಮೂವರನ್ನು ಶಂಕಿತ ಕೆಎಫ್‌ಡಿ ಹಿನ್ನೆಲೆಯಲ್ಲಿ ಮಣಿಪಾಲ್‌ನ ಕೆಎಂಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮಂಜಯ್ಯ ಹಾಳುತೋಟ, ವಸಂತ್‌ ಜೈನ್‌ ಕಾಳಮಂಜಿ ಹಾಗೂ ಆದಮ್ಮ ಚಂದಯ್ಯ ಬಿದರೂರು ಅವರನ್ನು ಮಣಿಪಾಲ್‌ಗೆ ಕಳಿಸಿಕೊಡಲಾಗಿದೆ. ಈ ನಡುವೆ ಕೆಎಂಸಿಯಲ್ಲಿರುವ ಸಂತೋಷ್‌ ಎಂಬುವವರ ಆರೋಗ್ಯ ಸ್ಥಿತಿ ಸ್ವಲ್ಪ ಗಂಭೀರವಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

ಸಂಚಾರಿ ದಳದ ಸಿಬ್ಬಂದಿಗೂ ಜ್ವರ: ತಾಲೂಕಿನಲ್ಲಿ ಕೆಎಫ್‌ಡಿ ಬಾಧೆ ಹೆಚ್ಚಾಗುತ್ತಿದ್ದಂತೆ ಸಂಚಾರಿ ಆರೋಗ್ಯ ದಳ ರೂಪಿಸಲಾಗಿದೆ. ಈ ಸಂಚಾರಿ ದಳದ ಒಬ್ಬರಿಗೆ ಶನಿವಾರ ಜ್ವರ ಕಾಣಿಸಿಕೊಂಡಿದೆ ಎನ್ನಲಾಗಿದೆ.