ಸೆಂಟ್ರಲ್‌ ಜೈಲಲ್ಲಿ ವೈದ್ಯನ ಮೇಲೆ ಹಲ್ಲೆ

ಶಿವಮೊಗ್ಗ : ಚಿಕಿತ್ಸೆ ನೀಡಲು ತೊಡಗಿದ್ದ ವೈದ್ಯರ ಮೇಲೆ ಕೈದಿಗಳು ತೀವ್ರಥರ ಹಲ್ಲೆ ನಡೆಸಿರುವ ಘಟನೆ ಇಲ್ಲಿನ ಕೇಂದ್ರ ಕಾರಾಗೃಹದಲ್ಲಿ ನಡೆದಿದೆ.

ಕಾರಾಗೃಹದ ವೈದ್ಯಾಧಿಕಾರಿ ಡಾ.ರಘುಪ್ರಸಾದ್‌ ಎಂಬುವವರ ಮೇಲೆ ಅರ್ಬಾಜ್‌ ಇನ್ನಿತರರು ಹಲ್ಲೆ ನಡೆಸಿದ್ದು, ಇವರನ್ನು ಬೆಳಗಾವಿ ಕೇಂದ್ರ ಕಾರಾಗೃಹಕ್ಕೆ ವರ್ಗಾಯಿಸಲಾಗಿದೆ.

ಜೈಲಿನೊಳಗೆ ಪರಸ್ಪರ ಜಗಳವಾಡಿಕೊಂಡು ಗಾಯಗೊಂಡಿದ್ದ ಕೈದಿಗಳಿಗೆ ಡಾ.ರಘುಪ್ರಸಾದ್‌ ಅವರು ಚಿಕಿತ್ಸೆ ನೀಡಲು ಬಂದಿದ್ದರು. ಆಗ ಅರ್ಬಾಸ್‌ ತನಗೆ ಮೆಗ್ಗಾನ್‌ ಆಸ್ಪತ್ರೆಗೆ ದಾಖಲಿಸಲು ಶಿಫಾರಸು ಮಾಡುವಂತೆ ಕೋರಿದ್ದಾನೆ. ಆದರೆ, ಚಿಕ್ಕ ಗಾಯಗಳಾಗಿರುವುರಿಂದ ಇಲ್ಲಿಯೇ ಚಿಕಿತ್ಸೆ ನೀಡಲು ಸಾಧ್ಯವಿದೆ ಎಂದು ಕೈದಿಯ ಬೇಡಿಕೆಯನ್ನು ನಿರಾಕರಿಸಿದ್ದಾರೆ. ಈ ವೇಳೆ, ರೊಚ್ಚಿಗೆದ್ದ ಅರ್ಬಾಜ್‌ ಇನ್ನಿತರರು ವೈದ್ಯಾಧಿಕಾರಿ ಮೇಲೆ ಹಲ್ಲೆ ಮಾಡಿದ್ದಾರೆ. ತುಂಗಾ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

===========