ಕ್ಯಾಂಪೊ್ಕ ಸಂಸ್ಥೆಯಿಂದ ಚಿಕಿತ್ಸೆಗೆ ನೆರವು

ಹೊಸನಗರ: ಸಂಸ್ಥೆಯ ಸಕ್ರಿಯ ಸದಸ್ಯರಿಗೆ ಸಂಭವಿಸುವ ಆಕಸ್ಮಿಕ ಅವಘಡ, ಚಿಕಿತ್ಸೆಗೆ ಆರ್ಥಿಕ ನೆರವು ನೀಡಲು ಕ್ಯಾಂಪ್ಕೋ ವಿಶೇಷ ಯೋಜನೆ ಹಮ್ಮಿಕೊಂಡಿದೆ ಎಂದು ನಿರ್ದೇಶಕ ಆರ್‌.ಎಂ.ರವಿ ತಿಳಿಸಿದರು.

ಇಲ್ಲಿನ ಕ್ಯಾಂಪೊ್ಕ ಕಚೇರಿಯಲ್ಲಿಶುಕ್ರವಾರ ಸಂಸ್ಥೆ ಸದಸ್ಯ ಪುರುಷೋತ್ತಮ ಅವರ ಹೃದಯ ಶಸ್ತ್ರ ಚಿಕಿತ್ಸೆಗೆ ರೂ.50 ಸಾವಿರ ಸಹಾಯಧನದ ಚೆಕ್‌ ವಿತರಿಸಿ ಅವರು ಮಾತನಾಡಿದರು.

ಮೂತ್ರಪಿಂಡ ಕಸಿ, ಹೃದಯ ಶಸ್ತ್ರಚಿಕಿತ್ಸೆ, ಡಯಾಲಿಸಿಸ್‌ ಸೇರಿದಂತೆ ಹಲವು ಗಂಭೀರ ಕಾಯಿಲೆಗಳ ಚಿಕಿತ್ಸೆಗಾಗಿ ಸಹಾಯಧನ ನೀಡಲಾಗುವುದು. ಸದಸ್ಯರು ಯೋಜನೆ ಸದುಪಯೋಗಪಡೆದುಕೊಳ್ಳಬಹುದು ಎಂದರು.

ಶಿವಮೊಗ್ಗ ಶಾಖೆ ವಿಭಾಗೀಯ ವ್ಯವಸ್ಥಾಪಕ ಎನ್‌.ರತ್ನಾಕರ್‌, ಶಾಖಾ ವ್ಯವಸ್ಥಾಪಕ ಬಿಪಿನ್‌ ಕುಮಾರ್‌ ಶೆಟ್ಟಿ, ಸಿಬ್ಬಂದಿ ವಿಷ್ಣು ಪ್ರಸಾದ, ಎ.ಜಿ.ಪೃಥ್ವಿ ಮತ್ತಿತರರು ಇದ್ದರು.