ಸೆಕೆಂಡ್‌ ರೌಂಡ್‌ನಲ್ಲಿ ರೌಡಿಗಳಿಗೆ ಆವಾಜ್‌

ಶಿವಮೊಗ್ಗ : ಮೊದಲನೇ ಹಂತದಲ್ಲಿ 350ಕ್ಕೂ ಹೆಚ್ಚು ರೌಡಿಶೀಟರ್‌ಗಳ ವಿರುದ್ಧ ಗುಡುಗಿದ್ದ ಎಸ್‌ಪಿ ಡಾ.ಎಂ. ಅಶ್ವಿನಿ ಅವರು, ಸೋಮವಾರ ಎರಡನೇ ಹಂತದ ರೌಡಿ ಪರೇಡ್‌ ಮಾಡಿದ್ದಾರೆ.

ಇಲ್ಲಿನ ಡಿಎಆರ್‌ ಮೈದಾನದಲ್ಲಿ ನಡೆದ ರೌಡಿಪರೇಡ್‌ನಲ್ಲಿ ಶಿವಮೊಗ್ಗ ವಿಭಾಗ ವ್ಯಾಪ್ತಿಯ ವಿವಿಧ ಠಾಣೆಗಳಲ್ಲಿ ಪ್ರಕರಣಗಳನ್ನು ಎದುರಿಸುತ್ತಿರುವ 250ಕ್ಕೂ ಅಧಿಕ ರೌಡಿಗಳು ಪಾಲ್ಗೊಂಡಿದ್ದರು.

ರೌಡಿಗಳ ದಾಖಲೆಗಳನ್ನು ಪರಿಶೀಲಿಸಿದ ಅವರು, ಅಪರಾಧ ಚಟುವಟಿಕೆಗಳಲ್ಲಿ ಪಾಲ್ಗೊಂಡಲ್ಲಿ ಖಡಕ್‌ ಕ್ರಮಕೈಗೊಳ್ಳಲಾಗುವುದು. ಹೀಗಾಗಿ, ಬಾಲ ಮುದುರಿಕೊಂಡು ಸುಮ್ಮನಿರಬೇಕು. ಸಾರ್ವಜನಿಕರಿಗೆ ತೊಂದರೆ ನೀಡಬಾರದು ಎಂದು ಎಚ್ಚರಿಕೆ ನೀಡಿದರು.

ಹೆಚ್ಚುವರಿ ಪೊಲೀಸ್‌ ರಕ್ಷಣಾಧಿಕಾರಿ ಎಚ್‌.ಎಂ. ಶೇಖರ್‌, ಡಿವೈಎಸ್‌ಪಿ ಈಶ್ವರ ನಾಯಕ್‌ ಮತ್ತಿತರ ಪೊಲೀಸ್‌ ಅಧಿಕಾರಿಗಳು ಉಪಸ್ಥಿತರಿದ್ದರು.

============