- ಸಾಗರ: ರಾಮಾಯಣ ಚಾತುರ್ಮಾಸ್ಯದಲ್ಲಿಶ್ರೀ ರಾಘವೇಶ್ವರ ಭಾರತೀ ಸ್ವಾಮಿಗಳವರಿಂದ ಉದ್ಘೋಷಿತವಾದ ಚಾತುರ್ಮಾಸ್ಯ ಪ್ರಶಸ್ತಿಯನ್ನು ಈ ಬಾರಿ ನಿಸ್ರಾಣಿ ರಾಮಚಂದ್ರ ಅವರಿಗೆ ಶ್ರೀಗಳು ಅನುಗ್ರಹಿಸಿದ್ದು, ಸೆ.23ರಂದು ಸಂಜೆ 4ಕ್ಕೆ ಇಲ್ಲಿನ ಅಗ್ರಹಾರದ ಶ್ರೀರಾಘವೇಶ್ವರ ಭವನದಲ್ಲಿಪ್ರದಾನ ಮಾಡಲಾಗುವುದು.
ಹಿಂದಿನ ಪೀಠಾಧಿಪತಿಗಳ ಕಾಲದಿಂದಲೂ ಶ್ರೀಮಠಕ್ಕೆ ಸೇವೆ ಸಲ್ಲಿಸುತ್ತಿರುವ ನಿಸ್ರಾಣಿ ರಾಮಚಂದ್ರ ಅವರು ಶ್ರೀಗಳು ಪೀಠಾರೋಹಣ ಆದಾಗಿಂದಲು ಆಡಳಿತದ ವಿವಿಧ ಸ್ತರಗಳಲ್ಲಿಸೇವೆ ಸಲ್ಲಿಸಿದ್ದರು. ರಾಮಾಯಣ ಮಹಾಸತ್ರ, ವಿಶ್ವಗೋ ಸಮ್ಮೇಳನದಂತ ಕಾರ್ಯಕ್ರಮಗಳಲ್ಲಿಅವರು ನಿರ್ವಹಿಸಿದ ಜವಾಬ್ದಾರಿ ಗಮನಿಸಿ ಅವರಿಗೆ ಈ ಪ್ರಶಸ್ತಿ ಅನುಗ್ರಹಿಸಲಾಗಿದೆ. ಅನಿವಾರ್ಯ ಕಾರಣಗಳಿಂದ ಚಾತುರ್ಮಾಸ್ಯದ ಸಂದರ್ಭ ಪಾಲ್ಗೊಳ್ಳಲು ಆಗದ ಅವರಿಗೆ ಸಾಗರಲ್ಲಿ ಪ್ರಶಸ್ತಿ ಕೊಡಲಾಗುತ್ತಿದೆ. ಆಸಕ್ತರು ಹಾಜರಿರಲು ಸಂಘಟಕರು ಕೋರಿದ್ದಾರೆ.