ಗಿಡ ನೆಟ್ಟು ಹುಟ್ಟು ಹಬ್ಬ ಆಚರಣೆ

ಶಿವಮೊಗ್ಗ: ನಗರದ ಗೋಪಾಲ ಬಡಾವಣೆಯ ಚಂದನ ಪಾರ್ಕ್‌ನಲ್ಲಿ ಶುಕ್ರವಾರ ಗಿಡ ನೆಡುವ ಮೂಲಕ ಸಮರ್ಥ್‌ ಆರ್‌. ಈಸೂರ್‌(12) ಹುಟ್ಟು ಹಬ್ಬವನ್ನು ವಿಶೇಷವಾಗಿ ಆಚರಿಸಿಕೊಂಡರು.

ಸಮರ್ಥ್‌ ಡಾ.ರವಿ, ಲೀನಾ ಅವರ ಪುತ್ರ. ಹಸಿರು ಉಳಿಸಲು ಗಿಡ ಮರ ಬೆಳೆಸಲು ಪರಿಸರದ ಬಗ್ಗೆ ಜಾಗೃತಿ ಮೂಡಿಸಲು ಹೀಗೆ ವಿನೂತನ ರೀತಿಯಲ್ಲಿ ಹುಟ್ಟು ಹಬ್ಬ ಆಚರಿಸುತ್ತಿರುವುದು ಮಾದರಿಯಾಗಿದೆ. ಈ ಸಂದರ್ಭ ಜಿಪಂ ಸದಸ್ಯ ಕಲಗೋಡು ರತ್ನಾಕರ್‌, ಮೆಸ್ಕಾಂನ ಲೆಕ್ಕ ನಿಯಂತ್ರಣಾಧಿಕಾರಿ ಡಿ.ಎನ್‌.ಶ್ರೀನಿವಾಸ್‌, ಚಂದನವನದ ಗೆಳೆಯರಾದ ಶಿವಕುಮಾರ್‌, ಎಂಜಿನಿಯರ್‌ ಎ.ಹಾಲೇಶಪ್ಪ, ಜಿ.ಕೆಂಚಪ್ಪ, ರಾಧಾಕೃಷ್ಣ, ಮಂಜುನಾಥ, ಭವಾನಿ ಶಂಕರ್‌, ರವಿ ಗಿರೀಶ, ಒ.ಹಾಲೇಶ್‌, ಡಾ.ಶಿವಮೂರ್ತಿ, ತಿಮ್ಮಪ್ಪ ಇದ್ದರು.