ಬಿಜೆಪಿ ಪರಿಶಿಷ್ಟರ ಪರವಾದ ಪಕ್ಷ

ಸಾಗರ : ಹಿಂದಿನಿಂದಲೂ ಕಾಂಗ್ರೆಸ್‌ ಪಕ್ಷ ವು ಪರಿಶಿಷ್ಟ ಜನಾಂಗದವರಿಗೆ ಯಾವುದೆ ಸೌಲಭ್ಯ ನೀಡಿದೇ ಮತಬ್ಯಾಂಕ್‌ ಆಗಿ ಮಾಡಿಕೊಂಡಿತ್ತು. ಆದರೆ ನರೇಂದ್ರ ಮೋದಿಯವರು ಪ್ರಧಾನಿಯಾದ ನಂತರ ಡಾ. ಬಿ.ಆರ್‌. ಅಂಬೇಡ್ಕರ್‌ ಗೆ ಸಂಬಂಧಿಸಿದ ಹಲವು ಸಂಗತಿಗಳಿಗೆ ಪ್ರಾಧಾನ್ಯತೆ ನೀಡಿದ್ದು, ಬಿಜೆಪಿ ಕಾಯಕ ಸಮಾಜದ ಬಗ್ಗೆ ಕಾಳಜಿ ಹೊಂದಿದ ಪಕ್ಷ ಎಂದು ಸಾಬೀತು ಮಾಡಿದ್ದಾರೆ ಎಂದು ಬಿಜೆಪಿ ಎಸ್‌ಟಿ ಮೋರ್ಚಾದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಎಂ. ಅಪ್ಪಣ್ಣ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಶನಿವಾರ ಮಾತನಾಡಿದ ಅವರು, ಕೇಂದ್ರ ಸರಕಾರ ಪರಿಶಿಷ್ಟ ಜನಾಂಗಕ್ಕೆ ಪೌಷ್ಠಿಕ ಆಹಾರ ಪೂರೈಕೆ ಮಾಡುವ ಯೋಜನೆ ಜಾರಿಗೆ ತಂದಿದೆ. ಎಸ್‌.ಟಿ. ಜನಾಂಗದ ಕೃಷಿಗೆ ಉತ್ತೇಜನ, ವಿದ್ಯಾಭ್ಯಾಸಕ್ಕೆ ಸೌಲಭ್ಯ ಬಿಜೆಪಿ ಕೊಡುಗೆಯಾಗಿದೆ . ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ ಗ್ರಾಮೀಣ ಪ್ರದೇಶದಲ್ಲಿರುವ ಪರಿಶಿಷ್ಟ ಜಾತಿ ಮತ್ತು ವರ್ಗಗಳ ಏಳಿಗೆಯನ್ನು ಗಮನದಲ್ಲಿ ಇರಿಸಿಕೊಂಡು ಗ್ರಾಮ ಪಂಚಾಯ್ತಿ ಖಾತೆಗೆ ನೇರವಾಗಿ ಹಣ ಜಮೆ ಮಾಡಿ ಎಸ್‌ ಮತ್ತು ಎಸ್‌.ಟಿ.ಕಾಲೋನಿಗಳಲ್ಲಿ ಕಾಂಕ್ರೀಟ್‌ ರಸ್ತೆ, ಚರಂಡಿ, ಕುಡಿಯುವ ನೀರು, ಬೀದಿ ದೀಪದ ಸೌಲಭ್ಯ ಒದಗಿಸಿದೆ ಎಂದರು.

ಯಡಿಯೂರಪ್ಪ ಅವರು ರಾಜ್ಯದ ಮುಖ್ಯಮಂತ್ರಿಯಾಗಿದ್ದ ಸಂದರ್ಭದಲ್ಲಿ ವಾಲ್ಮೀಕಿ ಜಯಂತಿ ಆಚರಣೆಗೆ ಅನುಮೋದನೆ ನೀಡುವ ಜೊತೆಗೆ ಎಸ್‌.ಸಿ.,ಎಸ್‌.ಟಿ. ನಿಗಮದಿಂದ ಎಸ್‌.ಟಿ. ನಿಗಮವನ್ನು ಪ್ರತ್ಯೇಕಿಸಿ ಸೂಕ್ತ ಸೌಲಭ್ಯ ಕಲ್ಪಿಸಿದ್ದಾರೆ. ಜೊತೆಗೆ ರಾಜ್ಯದಲ್ಲಿ ಎಸ್‌.ಟಿ. ಸಮುದಾಯಕ್ಕೆ ಸೇರಿದ 17 ಶಾಸಕರು, 2ಜನ ಸಂಸದರು ಇದ್ದಾರೆ. ಎಸ್‌.ಟಿ. ಜನಾಂಗ ಬಾಂಧವರು ಬಿಜೆಪಿಯನ್ನು ಬೆಂಬಲಿಸುವ ತೀರ್ಮಾನ ಕೈಗೊಂಡಿದ್ದಾರೆ ಎಂದರು.

ಬಿಜೆಪಿ ಎಸ್‌.ಟಿ. ಮೋರ್ಚ ಜಿಲ್ಲಾಧ್ಯಕ್ಷ ಕೆ.ಶಿವಪ್ಪ, ಪ್ರಮುಖರಾದ ಡಿ.ಎಂ.ಕೆಂಚಪ್ಪ, ಪ್ರಭಾಕರ್‌, ಅರುಣಕುಮಾರ್‌, ಪ್ರಶಾಂತ್‌, ಎಸ್‌.ಎಂ.ರಮೇಶ್‌ , ಶ್ರೀಧರ ಸಾಗರ, ನಾಗರಾಜ್‌, ಕೆ.ಜಿ.ಸಂತೋಷ್‌ ಉಪಸ್ಥಿತರಿದ್ದರು.