‘ಖಾಸಗಿ ಕೃಷಿ ಕಾಲೇಜುಗಳ ಮಾನ್ಯತೆ ರದ್ದು ಮಾಡಿ’

ಶಿವಮೊಗ್ಗ : ರಾಜ್ಯದಲ್ಲಿ ಖಾಸಗಿ ಕೃಷಿ ಕಾಲೇಜುಗಳ ಮಾನ್ಯತೆ ರದ್ದುಗೊಳಿಸಬೇಕೆಂದು ಆಗ್ರಹಿಸಿ ಕರ್ನಾಟಕ ರಾಜ್ಯ ಬಂಜಾರ ವಿದ್ಯಾರ್ಥಿ ಸಂಘದಿಂದ ಜಿಲ್ಲಾಧಿಕಾರಿಗಳಿಗೆ ಶನಿವಾರ ಮನವಿ ಸಲ್ಲಿಸಲಾಯಿತು.

ರಾಜ್ಯದಲ್ಲಿ ಶಿಕ್ಷ ಣದ ಖಾಸಗೀಕರಣದಿಂದ ಶಿಕ್ಷ ಣ ಕೇಂದ್ರಗಳು ವ್ಯಾಪಾರ ಕೇಂದ್ರಗಳಾಗಿ ಬದಲಾಗುತ್ತಿವೆ. ಕೆಲವು ಶಿಕ್ಷ ಣ ಸಂಸ್ಥೆಗಳು ಕಾಯ್ದೆ, ಕಾನೂನು ಅನುಸರಿಸದೇ ಖಾಸಗಿಯಾಗಿ ಕೃಷಿ ಕಾಲೇಜು ಸ್ಥಾಪಿಸಿ ಶಿಕ್ಷ ಣ ನೀಡಲು ಮುಂದಾಗಿರುವುದು ಅಕ್ರಮವಾಗಿದೆ ಎಂದು ಪ್ರತಿಭಟನಾಕಾರರು ದೂರಿದರು.

ಐಸಿಎಆರ್‌ ನಿಯಮದ ಪ್ರಕಾರ ಕೃಷಿ ಶಿಕ್ಷ ಣ ನೀಡುವ ಕಾಲೇಜುಗಳು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ನಡೆಸುವ ಅರ್ಹತಾ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ವಿದ್ಯಾರ್ಥಿಗಳಿಗೆ ಮೆರಿಟ್‌ ಅನುಗುಣವಾಗಿ ಸೀಟು ಹಂಚಿಕೆ ಮಾಡಬೇಕು. ಪ್ರಯೋಗಾಲಯ-ತರಗತಿ ಮುಂತಾದವುಗಳಿಗೆ 125 ಎಕರೆ ಜಾಗ ಮೀಸಲಿಡಬೇಕು. ಆದರೆ ಕೆಲ ಶಿಕ್ಷ ಣ ಸಂಸ್ಥೆಗಳು ಈ ಎಲ್ಲ ನಿಯಮಾವಳಿಗಳನ್ನು ಉಲ್ಲಂಘಿಸುತ್ತಿವೆ ಎಂದು ಆರೋಪಿಸಿದರು.

ವಂತಿಕೆ ಪಡೆದು ಸೀಟು ನೀಡುತ್ತಿರುವುದರಿಂದ ಶಿಕ್ಷ ಣದ ಗುಣಮಟ್ಟ ಹಾಳಾಗುತ್ತಿದೆ. ಐಸಿಎಆರ್‌ ನಿಯಮದ ಪ್ರಕಾರ ಪ್ರವೇಶ ಪಡೆದಿರುವ ವಿದ್ಯಾರ್ಥಿಗಳಿಗೆ ಇದರಿಂದ ಅನ್ಯಾಯವಾಗುತ್ತಿದೆ. ಹೀಗಾಗಿ ರಾಜ್ಯದಲ್ಲಿ ಕೃಷಿ ವಿದ್ಯಾಲಯಗಳ ಕಾಯ್ದೆಗೆ ತಿದ್ದುಪಡಿ ತಂದು ಖಾಸಗಿ ಕೃಷಿ ಕಾಲೇಜನ್ನು ಶಾಶ್ವತವಾಗಿ ರದ್ದುಪಡಿಸಬೇಕು. ಇಲ್ಲದಿದ್ದರೆ ರಾಜ್ಯಾದ್ಯಂತ ತೀವ್ರ ಹೋರಾಟ ನಡೆಸಲಾಗುವುದು ಎಂದು ಎಚ್ಚರಿಸಿದರು. ಪ್ರತಿಭಟನೆಯಲ್ಲಿ ಸಂಘದ ಡಿ.ಆರ್‌.ಗಿರೀಶ್‌, ಜಯಾನಾಯ್ಕ, ರವಿ, ಮಂಜುನಾಯ್ಕ, ಕಿರಣ್‌ ಕುಮಾರ್‌, ಸುನಿಲ್‌, ಪ್ರಶಾಂತ್‌ ಮತ್ತಿತರರು ಇದ್ದರು.