ಮನೆ ಬಳಿಯ ಗೂಡಿನಲ್ಲಿದ್ದ ನಾಯಿ ಮರಿಯನ್ನೇ ತಿಂದ ಚಿರತೆ

ಸಾಗರ: ಕಾರ್ಗಲ್‌ ಸಮೀಪದ ಕೊಪ್ಪರಿಗೆ ಗ್ರಾಮದ ಕಣಗಳಘಟ್ಟ ಗುಂಡಿಮನೆ ಗಣಪತಿರಾವ್‌ ಎಂಬುವವರ ಮನೆಯಲ್ಲಿ ನಾಯಿಗೂಡಿನಲ್ಲಿದ್ದ ನಾಯಿಯನ್ನು ಇತ್ತೀಚೆಗೆ ಚಿರತೆಯೊಂದು ತಿಂದ ಘಟನೆ ನಡೆದಿದೆ.

ರಾತ್ರಿ ವೇಳೆ ಎಂದಿನಿಂದ ಒಂದು ಸುತ್ತು ನಾಯಿಯನ್ನು ಗೂಡಿನಿಂದ ಹೊರಗೆ ತಿರುಗಾಡಿಸಿಕೊಂಡು ಬಂದು,ಆಹಾರ ನೀಡಿ ಪುನಾ ಗೂಡಿನಲ್ಲಿ ಬಿಟ್ಟಿದ್ದಾರೆ. ಮಾರನೇ ದಿನ ಬೆಳಗ್ಗೆ ನಾಯಿಗೆ ಆಹಾರ ನೀಡಲು ಬಂದು ನೋಡಿದಾಗ ಗೂಡಿನಲ್ಲಿ ನಾಯಿ ಕಂಡು ಬಂದಿಲ್ಲ. ನಾಯಿ ಗೂಡಿನ ಸುತ್ತ ರಕ್ತದ ಕಲೆಗಳಾಗಿದ್ದು, ಚಿರತೆಯ ಹೆಜ್ಜೆ ಗುರುತುಗಳು ಕಾಣಿಸಿವೆ. ಸ್ಥಳಕ್ಕೆ ಅರಣ್ಯಾಧಿಕಾರಿಗಳು ಭೇಟಿ ನೀಡಿ, ಸಿಸಿ ಕ್ಯಾಮರಾ ಅಳವಡಿಸಿದ್ದಾರೆ.

ಕಳೆದ ಕೆಲವು ದಿನಗಳಿಂದ ಈ ಪ್ರದೇಶದಲ್ಲಿ ಚಿರತೆ ಹಾವಳಿ ಹೆಚ್ಚಾಗಿದೆ. ಈಗಾಗಲೇ ಗ್ರಾಮಸ್ಥರು ಅರಣ್ಯ ಅಧಿಕಾರಿಗಳಿಗೆ ದೂರು ಸಲ್ಲಿಸಿದ್ದು, ಕೂಡಲೇ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಮನವಿ ಮಾಡಿದ್ದಾರೆ.