ಚರ್ಚ್ ಪಾದ್ರಿ ವಿರುದ್ಧ ದೂರು ದಾಖಲು

ಶಿವಮೊಗ್ಗ: ಪಾದ್ರಿಯೊಬ್ಬ ವಿವಾಹಿತ ಮಹಿಳೆಗೆ ಮದುವೆ ಆಗುವುದಾಗಿ ನಂಬಿಸಿ ವಂಚನೆ ಮಾಡಿರುವ ಘಟನೆ ನಗರದಲ್ಲಿನಡೆದಿದೆ.

ರಾಗಿಗುಡ್ಡ ಚರ್ಚ್ನ ಪಾದ್ರಿಯೊಬ್ಬರು ಮಹಿಳೆಗೆ ಮೋಸ ಮಾಡಿರುವುದಾಗಿ ಮಹಿಳಾ ಪೊಲೀಸ್‌ ಠಾಣೆಯಲ್ಲಿದೂರು ದಾಖಲಾಗಿದೆ.

ಪತಿಯೊಂದಿಗೆ ಸಂಸಾರದಲ್ಲಿವಿರಸವಿದ್ದು, ಮಾರ್ಗದರ್ಶನ ಕೋರಿ ಬಂದಿದ್ದ ಮಹಿಳೆಯೊಂದಿಗೆ ಪಾದ್ರಿಯೇ ಸಂಬಂಧ ಬೆಳೆಸಿದ್ದಲ್ಲದೇ ಮದುವೆ ಆಗುವುದಾಗಿ ಮೋಸ ಮಾಡಿರುವುದಾಗಿ ಮೋಸಕ್ಕೆ ಒಳಗಾದ ಮಹಿಳೆ ದೂರು ನೀಡಿದ್ದಾರೆ.

ಏನಿದು ಪ್ರಕರಣ: ಮದುವೆಯಾದ ಎರಡು ವರ್ಷಗಳಲ್ಲಿಸಂಸಾರದಲ್ಲಿಒಡಕು ಉಂಟಾಗಿದ್ದು, ಮಹಿಳೆಯು ತಾವು ನಂಬಿರುವ ಚರ್ಚ್ನ ಪಾದ್ರಿಯಲ್ಲಿಗೆ ಹೋಗುತ್ತಾಳೆ.

ಪಾದ್ರಿ ಅವರು ಗಂಡನಿಗೆ ಬುದ್ಧಿವಾದ ಹೇಳುವ ನೆಪದಲ್ಲಿಆಗಾಗ್ಗೆ ಮನೆಗೆ ಬರಲಾರಂಭಿಸುತ್ತಾರೆ. ನಂತರ, ಗಂಡ ಸೈಕೋ ಆಗಿದ್ದು, ಕೊಲೆ ಮಾಡುವುದಕ್ಕೂ ಮುಂದಾಗಬಹುದೆಂದು ಹೇಳುತ್ತಾನೆ. ನಂತರ, ಮಹಿಳೆಯೊಂದಿಗೆ ಸಲುಗೆ ಪಡೆದು ಇಬ್ಬರೂ ಚಿತ್ರದುರ್ಗ, ದಿಲ್ಲಿ, ಆಗ್ರಾ ಸೇರಿದಂತೆ ನಾನಾ ಕಡೆಗೆ ಸುತ್ತಾಡುತ್ತಾರೆ. ಬಳಿಕ, ಮದುವೆ ಆಗುವುದಕ್ಕೆ ಹಿಂದೇಟು ಹಾಕುತ್ತಾನೆ.

===