ಗ್ರಾಮೀಣ ವಿದ್ಯಾರ್ಥಿಗೆ ಸೈಕಲ್‌ ಉಪಯುಕ್ತ

ಹೊಸನಗರ: ಸ್ಥಳೀಯ ಜನಪ್ರತಿನಿಧಿಗಳು, ಸಂಘಸಂಸ್ಥೆಗಳು ಕಾಳಜಿ ವಹಿಸಿದರೆ ಗ್ರಾಮೀಣ ಶಿಕ್ಷಣ ಸಂಸ್ಥೆಗಳನ್ನು ಉನ್ನತ ಮಟ್ಟಕ್ಕೆ ಏರಿಸಲು ಸಾಧ್ಯ ಎಂದು ಮಾಸ್ತಿಕಟ್ಟೆಯ ಚಂಡಿಕಾಂಬ ಅನುದಾನಿತ ಪ್ರೌಢಶಾಲಾ ಸಮಿತಿ ಅಧ್ಯಕ್ಷ ಎಚ್‌.ಕೆ.ವಿದ್ಯಾನಂದರಾವ್‌ ಹೇಳಿದರು.

ಮಾಸ್ತಿಕಟ್ಟೆ ಚಂಡಿಕಾಂಬಾ ಪ್ರೌಢಶಾಲೆಯಲ್ಲಿಶನಿವಾರ ಸೈಕಲ್‌ ವಿತರಣಾ ಸಮಾರಂಭಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

ನಗರ ಪ್ರದೇಶಕ್ಕೆ ಹೋಲಿಸಿದರೆ ಗ್ರಾಮೀಣ ಪ್ರದೇಶದಲ್ಲಿವಿದ್ಯಾರ್ಥಿ ಜೀವನ ಸುಲಭವಲ್ಲ. ಅದರಲ್ಲೂಮಲೆನಾಡು ಪ್ರದೇಶದಲ್ಲಿದೂರದ ಊರುಗಳಿಗೆ ಸಂಪರ್ಕ ಸಾಧಿಸುವುದೇ ಸಾಹಸದ ಕೆಲಸ. ಸೈಕಲ್‌ ವಿತರಣೆ ಯೋಜನೆ ವಿದ್ಯಾರ್ಥಿಗಳಿಗೆ ಅನುಕೂಲಕರವಾಗಿದೆ ಎಂದರು.

ತಾಪಂ ಸದಸ್ಯೆ ಶೋಭಾ ಮಂಜುನಾಥ್‌, ಶಾಲೆ ಪ್ರಗತಿಗಾಗಿ ರೂ.50 ಸಾವಿರ ಅನುದಾನವನ್ನು ತಾಲೂಕು ಪಂಚಾಯಿತಿಯಿಂದ ಒದಗಿಸುವುದಾಗಿ ಭರವಸೆ ನೀಡಿದರು. ಮುಖ್ಯ ಶಿಕ್ಷಕ ಪರಶುರಾಮ್‌, ಗ್ರಾಪಂ ಅಧ್ಯಕ್ಷ ಎನ್‌.ಟಿ.ಅನಿಲ್‌ಕುಮಾರ್‌, ಸದಸ್ಯ ಕೃಷ್ಣಮೂರ್ತಿ, ಅರುಣ್‌, ಪ್ರಮುಖರಾದ ಬಂಕ್ರೀಬೀಡು ಮಂಜುನಾಥ್‌, ಜಿ.ವಿ.ರವೀಂದ್ರ, ಗೋಪಾಲಗೌಡ, ವಿನಾಯಕ, ಹೊಂಬೇಗೌಡ, ವಾಸಪ್ಪ, ಪ್ರಕಾಶ್‌, ಸುರೇಶ್‌ ಮತ್ತಿತರರು ಇದ್ದರು.