ನಾಯಿ ದಾಳಿಯಿಂದ ಜಿಂಕೆ ರಕ್ಷಣೆ

ರಿಪ್ಪನ್‌ಪೇಟೆ: ನಾಯಿಗಳ ದಾಳಿಯಿಂದ ರಕ್ಷಿಸಿಕೊಳ್ಳಲು ಅಡಕೆ ತೋಟದ ಗುಂಡಿಯೊಳಗೆ ಬಿದ್ದಿದ್ದ ಜಿಂಕೆಯನ್ನು ಶುಕ್ರವಾರ ಸಂಜೆ ಯುವಕರು ರಕ್ಷಿಸಿ ಅರಣ್ಯ ಇಲಾಖೆ ವಶಕ್ಕೆ ಒಪ್ಪಿಸಿದ್ದಾರೆ.
ಅರಸಾಳು ವಲಯ ವ್ಯಾಪ್ತಿಯ ಬೆನವಳ್ಳಿ ಗ್ರಾಮದಲ್ಲಿಅಹಾರಕ್ಕಾಗಿ ಕಾಡಿನಲ್ಲಿಅಲೆಯುವುದನ್ನು ಗಮನಿಸಿದ ನಾಯಿಗಳ ಹಿಂಡು ಏಕಾಏಕಿ ದಾಳಿ ನಡೆಸಿದ್ದು, ಪಾರಾಗಲು ಓಡಿಬಂದ ಜಿಂಕೆ ಬಿ.ಎಲ್‌.ನಾಗೇಂದ್ರಪ್ಪಗೌಡ ಅವರ ಅಡಕೆ ತೋಟದ ಚಿಕ್ಕ ಗುಂಡಿಯೊಳಗೆ ಬಿದ್ದಿದೆ. ಇದನ್ನು ಕಂಡ ಗ್ರಾಮದ ಯುವಕರು ಜಿಂಕೆಯನ್ನು ಹಿಡಿದು ಮನೆಯ ಬಳಿ ಶುಶ್ರೂಷೆ ಮಾಡಿ ಅರಸಾಳು ವಲಯ ಅರಣ್ಯಾಧಿಕಾರಿ ಮತ್ತು ವನ್ಯಜೀವಿ ವಿಭಾಗದ ಅರಣ್ಯಾಧಿಕಾರಿ ಸಮ್ಮುಖದಲ್ಲಿಕಾಡಿಗೆ ಬಿಡಲಾಯಿತು. ಗ್ರಾಮದ ಬಿ.ಎನ್‌.ರವಿ ಬೆನವಳ್ಳಿ, ಬಿ.ಎಸ್‌.ಆಶೋಕ್‌, ಅರಣ್ಯ ಇಲಾಖೆ ಅಧಿಕಾರಿಗಳು ಹಾಜರಿದ್ದರು.