ಕರ್ತವ್ಯನಿಷ್ಠೆಯಿಂದ ಕೆಲಸ ಸುಗಮ

ರಿಪ್ಪನ್‌ಪೇಟೆ: ಕರ್ತವ್ಯದಲ್ಲಿ ಶಿಸ್ತು, ಸಂಯಮವಿದ್ದರೆ ಇಲಾಖೆ ಕೆಲಸ ಸುಗಮ. ಎಷ್ಟೇ ಒತ್ತಡವಿದ್ದರೂ ಕರ್ತವ್ಯ ನಿಷ್ಠೆ ಮುಂದುವರಿಸಬೇಕೆಂದು ನಿವೃತ್ತ ಎಎಸೈ ನಂಜುಂಡಪ್ಪ ಹೇಳಿದರು.

ಪಟ್ಟಣದ ಪೊಲೀಸ್‌ ಠಾಣೆಯಲ್ಲಿ ಕರ್ತವ್ಯ ನಿರ್ವಹಿಸಿ ನಿವೃತ್ತರಾದ ಮತ್ತು ವರ್ಗಾವಣೆಗೊಂಡವರಿಗಾಗಿ ಬುಧವಾರ ಸಂಜೆ ಏರ್ಪಡಿಸಿದ್ದ ಬೀಳ್ಕೋಡುಗೆ ಸಮಾರಂಭದಲ್ಲಿ ಗೌರವ ಸ್ವೀಕರಿಸಿ ಮಾತನಾಡಿದರು.

ಇಲಾಖೆಗೆ ಸೇರಿದಾಕ್ಷ ಣ ಕುಟುಂಬದವರನ್ನು ಮರೆಯುತ್ತೇವೆ. ಕಾರಣ ಇಲಾಖೆಯ ಕೆಲಸದ ಒತ್ತಡ. ಈ ಮಧ್ಯೆ ಹೆಂಡತಿ, ಮಕ್ಕಳ ಕಡೆ ಹೆಚ್ಚು ಸಮಯ ಕಳೆಯಲು ಆಗುವುದಿಲ್ಲ. ಕುಟುಂಬದ ನಿರ್ವಹಣೆ ಮತ್ತು ಮಕ್ಕಳ ವಿದ್ಯಾಭ್ಯಾಸದ ಕಡೆಗೂ ಆಸಕ್ತಿ ವಹಿಸಬೇಕಾದ ಅನಿವಾರ‍್ಯವಿದೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ವೃತ್ತ ನಿರೀಕ್ಷ ಕ ಗುರಣ್ಣಹೆಬ್ಬಾಳ್‌ ಮಾತನಾಡಿ, ಪೊಲೀಸ್‌ ಇಲಾಖೆಯಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ. ಕುಟುಂಬದಲ್ಲಿ ಅನಾನುಕೂಲವಾಗಿವೆ ಎಂದು ರಜೆ ಕೇಳಿ ಬರುವ ಸಿಬ್ಬಂದಿಗೆ ತಕ್ಷ ಣ ರಜೆ ನೀಡಲು ಅವಕಾಶಗಳಿವೆ. ಕರ್ತವ್ಯದ ವೇಳೆ ಇನ್ನಾವುದೇ ವ್ಯವಹಾರ ನಡೆಸುವುದು ಮತ್ತು ಹಿರಿಯ ಅಧಿಕಾರಿಗಳ ಸೂಚನೆ ನಿರ್ಲಕ್ಷಿಸುವುದು ಇಲಾಖೆಗೆ ಶೋಭೆತರದು. ಅಂತಹವರ ಮೇಲೆ ಕ್ರಮಕೈಗೊಳ್ಳಬಹುದಾಗಿದೆ.

ತಪ್ಪು ಮಾಡುವುದು ಸಹಜ, ಅದನ್ನು ತಿದ್ದಿಕೊಳ್ಳುವುದು ಅಗತ್ಯ ಎಂದರು.

ಪಿಎಸ್‌ಐ ಎಲ್‌.ರಾಜಶೇಖರ್‌ ಮಾತನಾಡಿದರು. ನಿವೃತ್ತ ಎಎಸ್‌ಐ ನಂಜುಂಡಪ್ಪ, ವರ್ಗಾವಣೆಗೊಂಡ ಎಎಸ್‌ಐ ಸುರೇಶ್‌,ದಪೇಧಾರ್‌ಗಳಾದ ದೇವಿದಾಸ್‌ನಾಯ್ಕ್‌, ಯಶೋಧರ, ಶಿವಕುಮಾರ್‌, ಪೇದೆ ಚಂದ್ರಶೇಖರ್‌ ಅವರನ್ನು ಸನ್ಮಾನಿಸಿ ಬೀಳ್ಕೊಡಲಾಯಿತು. ಎಎಸ್‌ಐ ಗಣಪತಿ ಸ್ವಾಗತಿಸಿದರು. ಮಂಜುನಾಥ ನಿರೂಪಿಸಿದರು.