‘ಡಾ.ರಾಜ್‌ ಜನಮಾನಸದಲ್ಲಿ ಶಾಶ್ವತ’

ಸಾಗರ: ಚಲನಚಿತ್ರ ಕಲಾವಿದರು ಸಾಮಾಜಿಕ ಹೊಣೆಗಾರಿಕೆಯನ್ನು ಸಮರ್ಪಕವಾಗಿ ನಿರ್ವಹಿಸಬೇಕೆಂದು ಲೇಖಕ ಡಾ. ಸಫ್ರ್ರಾಜ್‌ ಚಂದ್ರಗುತ್ತಿ ಹೇಳಿದರು.

ತಾಲೂಕಿನ ಬರೂರು ಗ್ರಾಪಂ ವ್ಯಾಪ್ತಿಯ ಗುತ್ತನಹಳ್ಳಿಯಲ್ಲಿ ಡಾ. ರಾಜಕುಮಾರ್‌ ಅಭಿಮಾನಿ ಬಳಗ ಆಯೋಜಿಸಿದ್ದ ಬೆಳ್ಳಿಹಬ್ಬ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಕಲಾವಿದರು ನಟನೆ ಹಾಗೂ ಬದುಕು ಎರಡನ್ನೂ ಅತ್ಯಂತ ಜವಾಬ್ದಾರಿಯಿಂದ ನಿರ್ವಹಿಸಬೇಕು. ಅಂಥ ಎಚ್ಚರ ಇಟ್ಟುಕೊಂಡು ನಟನೆ ಹಾಗೂ ಬದುಕು ಎರಡನ್ನೂ ಅತ್ಯಂತ ಜವಾಬ್ದಾರಿಯಿಂದ ಮಹಾನ್‌ ನಟ ಡಾ.ರಾಜಕುಮಾರ್‌ ನಿರ್ವಹಿಸಿದ್ದಾರೆ. ಧೂಮಪಾನ, ಮದ್ಯಪಾನ ವಿರೋಧಿ ನಿಲುವು, ಸ್ತ್ರೀಯರಿಗೆ ನೀಡುತ್ತಿದ್ದ ಗೌರವ, ಶೂಟಿಂಗ್‌ ವೇಳೆ ಅವರು ಅನುಸರಿಸುತ್ತಿದ್ದ ಸಹಪಂಕ್ತಿ ಭೋಜನ, ಕುಟುಂಬ ಮೌಲ್ಯಗಳ ಅನುಸರಣೆಯಿಂದಾಗಿ ರಾಜಕುಮಾರ್‌ ಕನ್ನಡಿಗರ ಜನಮಾನಸದಲ್ಲಿ ಶಾಶ್ವತವಾಗಿ ಉಳಿದಿದ್ದಾರೆ. ಅವರು ಕನ್ನಡ ಸಂಸ್ಕೃತಿಯ ಸಾಕ್ಷೀಪ್ರಜ್ಞೆ ಎಂದರು. ಡಿ.ಎಚ್‌. ಮಂಜುನಾಥ ಅಧ್ಯಕ್ಷ ತೆ ವಹಿಸಿದ್ದರು. ಜಿ.ಪಂ.ಸದಸ್ಯ ಭೀಮನೇರಿ ಶಿವಪ್ಪ ಕಾರ‍್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ತಾಪಂ ಸದಸ್ಯ ಕಲಸೆ ಚಂದ್ರಪ್ಪ, ವೀರಪ್ಪಗೌಡ, ಕುಸುಮ ಪಕೀರಪ್ಪ, ಜಿ.ಎಸ್‌.ಬಸಪ್ಪ, ನಾಗರಾಜ ಆಚಾರ್‌, ಭೋಜರಾಜ ನಾಯ್ಕ್‌ ಜಿ. ಬಸವಣ್ಯಪ್ಪ, ನಾಗರಾಜ ಕಪ್ಪನಹಳ್ಳಿ, ರಮೇಶಪ್ಪ, ಚಂದ್ರಕಲಾ ಗುರುಮೂರ್ತಿ ಇದ್ದರು. ನವ್ಯ, ಕಲ್ಪನಾ ಪ್ರಾರ್ಥಿಸಿ, ಡಿ.ಪಿ.ಅಶೋಕ್‌ ಸ್ವಾಗತಿಸಿದರು. ಎನ್‌.ಡಿ. ಶಿವಕುಮಾರ್‌ ಪ್ರಾಸ್ತಾವಿಕ ಮಾತನಾಡಿದರು. ಜಿ.ಬಿ.ಗುರುಮೂರ್ತಿ ವಂದಿಸಿದರು.