ಯೋಗ ಅಭ್ಯಾಸದಿಂದ ಲವಲವಿಕೆ

ಹೊಳೆಹೊನ್ನೂರು: ಇಲ್ಲಿನ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಶುಕ್ರವಾರ ಅಂತಾರಾಷ್ಟ್ರೀಯ ಯೋಗ ದಿನ ಆಚರಿಸಲಾಯಿತು.
ಈ ಸಂದರ್ಭ ಶಿವಮೊಗ್ಗದ ರೋಟರಿ ಯೋಗ ತರಬೇತಿ ಕೇಂದ್ರ ತರಬೇತುದಾರ ಎಚ್‌.ಎಂ.ಚಂದ್ರಶೇಖರಯ್ಯ ಮಾತನಾಡಿ, ನಿತ್ಯದಯೋಗ ಅಭ್ಯಾಸದಿಂದ ಲವಲವಿಕೆ ಸಾಧ್ಯ ಎಂದರು. ಅಧ್ಯಕ್ಷತೆ ವಹಿಸಿದ್ದ ಕಾಲೇಜು ಪ್ರಾಂಶುಪಾಲ ಡಾ.ಕೆ.ಆರ್‌.ಭೋಗೇಶ್ವರಪ್ಪ ಮಾತನಾಡಿ, ಕೇವಲ ಭೋಗದ ಜೀವನ ಇರಬಾರದು, ಯೋಗದಿಂದ ಕೂಡಿದ ಜೀವನ ಇರಬೇಕೆಂದರು. ನಾಗರತ್ನಮ್ಮ ಚಂದ್ರಶೇಖರಯ್ಯ ಯೋಗ ಗೀತೆ ಹಾಡಿ, ಯೋಗದ ಆಸನ ಪ್ರದರ್ಶಿಸಿದರು. ಎಸ್‌.ರಾಜುನಾಯ್ಕ, ಅಧ್ಯಾಪಕರು, ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಹಾಜರಿದ್ದರು. ಡಿ.ಶಿವಕುಮಾರ ಸ್ವಾಗತಿಸಿ, ರೋಹನ್‌ ಡಿಕಾಸ್ಟ ವಂದಿಸಿದರು. ವಿದ್ಯಾರ್ಥಿ ಎಂ.ಎಸ್‌.ಆದಿತ್ಯ ನಿರೂಪಿಸಿದರು.