ಎಸ್‌ಎವಿ ವಿದ್ಯಾರ್ಥಿಗಳಿಂದ ಪರಿಸರ ದಿನಾಚರಣೆ

ಭದ್ರಾವತಿ: ನಗರಸಭೆ, ಜೈನ್‌ ಸಮಾಜ ಹಾಗು ನ್ಯೂಟೌನ್‌ ಎಸ್‌ಎವಿ ಪದವಿ ಪೂರ್ವ ಕಾಲೇಜು ವಿದ್ಯಾರ್ಥಿಗಳಿಂದ ಮಂಗಳವಾರ ವಿಶ್ವ ಪರಿಸರ ದಿನಾಚರಣೆ ನಡೆಯಿತು.

ನೂರಾರು ವಿದ್ಯಾರ್ಥಿಗಳು ಹಳೇನಗರದ ಜೈನ ಮಂದಿರದಿಂದ ಜಾಥಾದ ಮೂಲಕ ಮಾಧವಚಾರ್‌ ವೃತ್ತ, ರಂಗಪ್ಪವೃತ್ತದ ಮೂಲಕ ಜೈನ್‌ ಸಮಾಜದ ರುದ್ರಭೂಮಿಗೆ ತೆರಳಿ ನೂರಾರು ಸಸಿಗಳನ್ನು ನೆಟ್ಟು ಪರಿಸರ ದಿನಾಚರಣೆ ಆಚರಿಸಿದರು.

ಈ ಸಂದರ್ಭ ನಗರಸಭಾ ಸ್ಥಾಯಿ ಸಮಿತಿ ಮಾಜಿ ಅಧ್ಯಕ್ಷ ಎಚ್‌.ಬಿ.ರವಿಕುಮಾರ್‌, ನಗರಸಭೆ ಪರಿಸರ ಎಂಜಿನಿಯರ್‌ ರುದ್ರೇಗೌಡ, ಆರೋಗ್ಯ ನಿರೀಕ್ಷ ಕ ರಾಘವೇಂದ್ರ, ಎಸ್‌ಎವಿ ಕಾಲೇಜು ಆಡಳಿತ ಮಂಡಳಿಯ ಜಗದೀಶ್‌, ಪ್ರಾಂಶುಪಾಲರಾದ ಡಾ. ಹರಿಣಾಕ್ಷಿ ಹಾಗು ಸಿಬ್ಬಂದಿ, ಜೈನ್‌ ಸಮಾಜದ ಮುಖಂಡರು ಪಾಲ್ಗೊಂಡಿದ್ದರು.