ಕೃಷಿ ಹೊಂಡಕ್ಕೆ ಬಿದ್ದು ರೈತ ಸಾವು

ಆನಂದಪುರ: ಪಟ್ಟಣಕ್ಕೆ ಸಮೀಪದ ಕೆಂಜಿಗಾಪುರದಲ್ಲಿ ರೈತನೊಬ್ಬ ಕೃಷಿ ಹೊಂಡಕ್ಕೆ ಜಾರಿ ಬಿದ್ದು ಮೃತಪಟ್ಟ ಘಟನೆ ಶನಿವಾರ ಬೆಳಗ್ಗೆ ನಡೆದಿದೆ.
ಕೆಂಜಿಗಾಪುರ ನಿವಾಸಿ ಅರುಣ್‌ಕುಮಾರ್‌ (35) ಮೃತಪಟ್ಟವರು. ಬೆಳಗ್ಗೆ ಜಮೀನಿಗೆ ನೀರು ಹಾಯಿಸಲು ಹೋದ ಸಂದರ್ಭ ಕಾಲು ಜಾರಿ ಕೃಷಿ ಹೊಂಡಕ್ಕೆ ಆಕಸ್ಮಿಕವಾಗಿ ಬಿದ್ದಿದ್ದಾರೆ. ಈ ಸಂದರ್ಭ ಅವರ ಜತೆಗಿದ್ದ ತಾಯಿ ಕೂಗಿಕೊಂಡಾಗ ಸ್ಥಳೀಯರು ಆಗಮಿಸಿ ಮೇಲೆತ್ತಿ ಆನಂದಪುರ ಸಮುದಾಯ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಯೋಜನವಾಗಲಿಲ್ಲ.

ಸಾಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.