ಪಿಇಎಸ್‌ ಕಾಲೇಜಿನಲ್ಲಿ ಹಬ್ಬದೋತ್ಸವ

ಶಿವಮೊಗ್ಗ : ಭಾರತದ ವಿಭಿನ್ನ ಸಂಸ್ಕೃತಿಯನ್ನು ಬಿಂಬಿಸುವ ವಿವಿಧ ಧರ್ಮಗಳ ಹಬ್ಬಗಳನ್ನು ಆಚರಿಸುವ ಮೂಲಕ ನಗರದ ಪಿಇಎಸ್‌ ಐಎಎಂಎಸ್‌ ಕಾಲೇಜಿನ ವಿದ್ಯಾರ್ಥಿಗಳು ಸೋಮವಾರ ಕಾಲೇಜಿನಲ್ಲಿ ಸಂಭ್ರಮದ ವಾತಾವರಣ ಸೃಷ್ಟಿಸಿದ್ದರು.

ದೀಪಾವಳಿ, ಕರ್ನಾಟಕದ ನವರಾತ್ರಿ, ಕ್ರಿಸ್‌ಮಸ್‌, ಕೇರಳದ ಓಣಂ, ಪಂಜಾಬಿನ ಲೋರಿ, ತಮಿಳು ನಾಡಿನ ಪೊಂಗಲ್‌, ಮಹಾರಾಷ್ಟ್ರದ ರಾಮನವಮಿ, ಉತ್ತರ ಭಾರತದ ಹೋಲಿ, ಕೃಷ್ಣ ಜನ್ಮಾಷ್ಟಮಿ, ಅಸ್ಸಾಂನ ಬಿಹೂ, ಸಂಕ್ರಾಂತಿ, ಗೌರಿ ಗಣೇಶ ಚರ್ತುರ್ಥಿ, ವರಮಹಾಲಕ್ಷ್ಮಿ ಹಬ್ಬ ಸೇರಿದಂತೆ ನಾನಾ ಹಬ್ಬಗಳ ವಾತಾವರಣ ನಿರ್ಮಿಸಿದ್ದರು.

ಈ ಸಂದರ್ಭದಲ್ಲಿ ವಿದ್ಯಾರ್ಥಿಗಳು ಸಾಂಪ್ರದಾಯಿಕ ಉಡುಗೆ ತೊಡುಗೆಗಳನ್ನು ತೊಟ್ಟು, ಪ್ರತಿಯೊಂದು ಕೊಠಡಿ ಆ ಹಬ್ಬದ ಸಾಂಪ್ರದಾಯಿಕ ಶೈಲಿಯಲ್ಲಿ ಸಿಂಗರಿಸಿ ಆ ಹಬ್ಬದಲ್ಲಿ ಮಾಡುವ ಸಾಂಪ್ರದಾಯಿಕ ಆಹಾರ ಪದಾರ್ಥ ತಯಾರಿಸಿದ್ದರು.

ಈ ಹಬ್ಬದೋತ್ಸವದಲ್ಲಿ ಪಿಇಎಸ್‌ ಟ್ರಸ್ಟ್‌ನ ಎಸ್‌.ವೈ.ಅರುಣಾದೇವಿ, ಮುಖ್ಯ ಆಡಳಿತ ಸಂಯೋಜನಾಧಿಕಾರಿ ಡಾ.ಆರ್‌.ನಾಗರಾಜ, ಪಿಇಎಸ್‌ಐಟಿಎಂ ಕಾಲೇಜಿನ ಪ್ರಾಂಶುಪಾಲ ಡಾ.ಚೈತನ್ಯ ಕುಮಾರ್‌, ಕಾಲೇಜಿನ ಪ್ರಾಂಶುಪಾಲ ಡಾ.ಕೆ.ಸಾಯಿಲತ ಮತ್ತಿತರರು ಇದ್ದರು.