ಶಿವಮೊಗ್ಗ : ಸವಳಂಗ ರಸ್ತೆಯಲ್ಲಿರುವ ಎಜುರೈಟ್ ಕಾಲೇಜು ಬಿಬಿಎ, ಬಿ.ಕಾಂ, ಬಿಸಿಎ, ಎಂ.ಕಾಂ ಕೋರ್ಸ್ಗಳಲ್ಲದೆ, ಸ್ಪೋಕನ್ ಇಂಗ್ಲಿಷ್, ಬೇಸಿಕ್ ಕಂಪ್ಯೂಟರ್, ಟ್ಯಾಲಿ, ಸಿ++, ಜಾವಾ ಮತ್ತಿತರ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತರಬೇತಿ ನೀಡುತ್ತ ಬಂದಿದ್ದು, ಇದೀಗ ಫ್ಯಾಶನ್ ಜಗತ್ತಿನತ್ತ ದಾಪುಗಾಲಿಟ್ಟಿದೆ.
ಫ್ಯಾಶನ್ಪ್ರಿಯರನ್ನು ತನ್ನತ್ತ ಕೈಬೀಸಿ ಕರೆಯುತ್ತಿರುವ ಎಜುರೇಟ್ ಸಂಸ್ಥೆ ಶಿವಮೊಗ್ಗದಲ್ಲಿ ಇದೇ ಪ್ರಥಮ ಬಾರಿಗೆ ವಿಜಯಪುರ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾನಿಲಯದ ಮಾನ್ಯತೆ ಪಡೆದು ವಿದ್ಯಾರ್ಥಿನಿಯರಿಗಾಗಿಯೇ ವೃತ್ತಿಪರವಾದ ಮೂರು ವರ್ಷಗಳ ಫ್ಯಾಷನ್ ಟೆಕ್ನಾಲಜಿ ಪದವಿ ಕೋರ್ಸನ್ನು ಆರಂಭಿಸುತ್ತಿದೆ. ಇದರ ಜತೆಯಲ್ಲೇ ಮಹಿಳಾ ಬಿ.ಕಾಂ ಪದವಿ ಆರಂಭಕ್ಕೂ ಸಂಸ್ಥೆ ಮುಂದಾಗಿದೆ.
ಜವಳಿ ಅತ್ಯಂತ ಹೆಚ್ಚು ಉದ್ಯೋಗ ಸೃಷ್ಟಿಯ ಕ್ಷೇತ್ರವಾಗಿದೆ. ಶಿವಮೊಗ್ಗ ಮಾತ್ರವಲ್ಲದೆ, ಸುತ್ತಮುತ್ತಲ ಸಾಗರ, ಅರಸೀಕೆರೆ, ದಾವಣಗೆರೆ ಮುಂತಾದೆಡೆಗಳಲ್ಲಿ ಸಾಕಷ್ಟು ಜವಳಿ ಸಂಬಂಧಿತ ಕೈಗಾರಿಕೆಗಳು, ಶೋರೂಮ್ಗಳಿವೆ. ಈ ಕ್ಷೇತ್ರದತ್ತ ಯುವಪೀಳಿಗೆಯನ್ನು ಆಕರ್ಷಿಸಿ, ಅವರನ್ನು ಈ ನಿಟ್ಟಿನಲ್ಲಿ ತೊಡಗಿಸಿ, ಸ್ವಾವಲಂಬಿಗಳನ್ನಾಗಿಸುವುದು, ಸ್ವಂತ ಉದ್ಯಮಕ್ಕೆ ಪ್ರೇರೇಪಿಸುವುದು ಫ್ಯಾಶನ್ ಟೆಕ್ನಾಲಜಿ ಪದವಿಯ ಮುಖ್ಯ ಉದ್ದೇಶ.
ಜೂನ್ ತಿಂಗಳಿನಿಂದ ಈ ಕೋರ್ಸ್ ಶುಭಾರಂಭಗೊಳ್ಳಲಿದ್ದು, ಎಸ್ಎಸ್ಎಲ್ಸಿ ಮುಗಿಸಿದ ವಿದ್ಯಾರ್ಥಿನಿಯರು 2 ವರ್ಷದ ಫ್ಯಾಶನ್ ಡಿಸೈನಿಂಗ್ ಡಿಪೊ್ಲಮಾ ಮಾಡಬಹುದು. ಪಿಯುಸಿ ಮುಗಿಸಿದವರು 3 ವರ್ಷದ ಫ್ಯಾಶನ್ ಡಿಸೈನಿಂಗ್ ಪದವೀಧರರಾಗಬಹುದು. ಯಾವುದೇ ಪದವಿ ಮುಗಿಸಿರುವವರು 1 ವರ್ಷದ ಸ್ವಾತಕೋತ್ತರ ಪದವಿ ಪಡೆಯಬಹುದು. ಮನೆಯಲ್ಲಿರುವ ಆಸಕ್ತ ಗೃಹಿಣಿಯರು, ಹೆಣ್ಣುಮಕ್ಕಳು ಕೋರ್ಸ್ಗೆ ಹಾಜರಾಗಬಹುದು.