ಇರಾನಿ ಗ್ಯಾಂಗ್‌ ಹೆಸರಲ್ಲಿ ವಂಚನೆ: ಎಚ್ಚರ

ತೀರ್ಥಹಳ್ಳಿ: ಅಂತಾರಾಜ್ಯ ದರೋಡೆಕೋರರ ಗುಂಪು ಮಾರುವೇಷದಲ್ಲಿ ಸಾರ್ವಜನಿಕರನ್ನು ವಂಚಿಸುವ ಕೃತ್ಯದಲ್ಲಿ ತೊಡಗಿದೆ. ಇರಾನಿ ಗ್ಯಾಂಗ್‌ ಹೆಸರಲ್ಲಿ ಕಾರಾರ‍ಯಚರಿಸುತ್ತಿರುವ ಈ ಗುಂಪಿನಲ್ಲಿ ಅನೇಕ ಜನರಿದ್ದು ಸಾರ್ವಜನಿಕರು ಎಚ್ಚರಿಕೆ ವಹಿಸಬೇಕೆಂದು ತೀರ್ಥಹಳ್ಳಿ ಪೊಲೀಸ್‌ ಠಾಣೆ ಪ್ರಕಟಣೆ ಕೋರಿದೆ.

ಕಂಬಳಿ, ಹೊದಿಕೆ ಮಾರಾಟ ಮಾಡುವವರ ಗುರುತಿನ ಚೀಟಿ, ವಿಳಾಸ ಖಾತರಿಪಡಿಸಿಕೊಂಡು ವಸ್ತುಗಳನ್ನು ಖರೀದಿಸಬೇಕು. ಮಾರಾಟದ ಹೆಸರಲ್ಲಿ ಮಾರು ವೇಷದಲ್ಲಿ ಬಂದು ಸಂಪೂರ್ಣ ಮಾಹಿತಿ ಪಡೆದು ನಂತರ ಕಳವು, ದರೋಡೆ, ಸುಲಿಗೆ, ಅತ್ಯಾಚಾರದಂತಹ ಕುಕೃತ್ಯ ನಡೆಸುತ್ತಿದೆ. ಈ ವಿಷಯವಾಗಿ ರಾಜ್ಯ ಗುಪ್ತಚಾರ ಇಲಾಖೆ ನಿಗಾ ಇಡಲು ಸೂಚಿಸಿದೆ. ಪೊಲೀಸ್‌ ಠಾಣೆ, ಬೀಟ್‌ ಪೋಲಿಸ್‌ ಸಿಬ್ಬಂದಿಗೆ ಸಾರ್ವಜನಿಕರು ಇಂತಹವರ ಕುರಿತು ಮಾಹಿತಿ ನೀಡಬೇಕೆಂದು ಪ್ರಕಟಣೆ ತಿಳಿಸಿದೆ.